Home Noticia Internacional Muher chines di 67 aña na estado di ohochi a rechaza conseho...

Muher chines di 67 aña na estado di ohochi a rechaza conseho medico pa aborta

172
0
SHARE
- Advertisement -

PEKING: –Un muher di 67 aña di edad, na estado di ohochi, a rechaza conseho di docternan cu a recomenda pa e aborta y el a asegura cu e ta decidido di hiba su gestacion te final. Esaki lo converti e muher den esun di mas edad na duna luz na China.

E muher y su casa, residentenan na Peking, a perde nan unico yiu den un desgracia di trafico cuatro aña pasa y a dicidi di haci tratamento di fertilizacion in vitro pa bolbe tin descendencia, segun Beijing news.

E muher di fam Zhang, no a haya mas yiu debi na e politica di yiu unico vigente na China. Despues di morto di su yiu homber cu a muri cu 34 aña di edad, el a wordo rechaza debi na su  edad avanza.

E pareha a logra cu un hospital na Taiwan a bay di acuerdo pa realiza e tratamento pa e bolbe sali na estado. Sin Embargo, e docternan chines no tabata asina optimista y a recomenda pa e aborta debi na peliger pa su salud.

Ademas, e Comision Municipal di Salud y Planificacion Familiar di Pekín a comunica hospitalnan y docternan di e ciudad pa nan no presta atencion medico sin consulta prome cu autoridadnan,.

A pesar di tur critica y preguntanan tocante kico e mester haci, e ta sigura cu e por biba te 85 aña pa mira su yiunan yega na edad adulto, pero e no a asegura pa su sobrino di 40 aña di edad ocupa di nan dos.

Na China no tin un edad limite pa maternidad. Te awor e muher di mas bieu cu a duna luz na China tabata un cu tambe a duna luz na ohochi, na 2010 cu 62 aña di edad.

 

- Advertisement -

DUNA COMENTARIO

Please enter your comment!
Please enter your name here