Home Hudicial Na 2016 Ministerio Publico a registra un total di 41 caso contra...

Na 2016 Ministerio Publico a registra un total di 41 caso contra moral

53
0
SHARE
- Advertisement -

ORANJESTAD  (AAN) — Den e Informe Anual 2016 di Ministerio Publico ta menciona loke a pasa durante aña riba tereno di husticia y ta duna tambe estadistica riba e diferente sectornan.

Ta menciona entre otro di e prome pasonan cu a wordo tuma den ultimo lunanan di aña y cu a yega na fundacion di e Afpakteam bao direccion di Ministerio Publico.

Den e Afpakteam ta traha hunto Ministerio Publico, Douane, FIOD, Fiot, Koninklijke Marechaussee, Cuerpo Policial, Kustwacht Caribe, Meldpunt  y RST.

Meta ta pa hunto combati criminalidad financiero.

Forza di e Afpakteam ta integridad y manera di colaboracion. Ta trata mas bien aki di actua como un gobierno organiza cu bista riba interes di otro.

Pa caso ta determina cual ta e mihor partner tin e mihor chens di actua y kita loke mester kita.

Si un intervencion por wordo haci inmediatamente di parti di un partner, e señal ta wordo capta directo.

Di tur manera  ta trata aki di klapnan chikito unda ta mishi cu potmoni di e criminal .

Ta menciona tambe di atencion cu medionan a duna tocante delitonan sexual.  Causa di esaki ta e deseo di sociedad cu a haci cu lo bay duna castigo mas pisa pa esaki , tambe pa e sushamento di Aruba cu slogan pinta entre otro na lugarnan turistico y religioso , “Aruba pro-pedofiel”.

Lunanan largo e sushamento di muraya cu a tuma lugar riba edificionan di gobierno, di notarionan, casitanan di transformador di coriente, borchinan di propaganda y di trafico y muraya di establecimentonan a tene temperamentonan ocupa.

Ministerio Publico tambe cu a reuni cu diferente partido perhudica, victimanan, supuesto causantenan y prensa y ademas Ministerio Publico, pa duna informacion mas optimal posibel a saca frecuentemente comunicadonan tocante e materia sensitivo aki.

Den sistema RUBI a registra un total di 41 caso di e crimen contra moral.

- Advertisement -

DUNA COMENTARIO

Please enter your comment!
Please enter your name here