Home Salud Na Aruba, di cada 3 hende cu haya stroke, uno no ta...

Na Aruba, di cada 3 hende cu haya stroke, uno no ta sobrevivi

205
0
SHARE
- Advertisement -

Dr. Kenneth Croes: Esnan cu sobrevivi ta keda cu deshabilidad grandi

ORANJESTAD   (AAN): Dr. Kenneth Croes ta specialisando pa dokter di cas y ta finalisando su estudio pa December. Despues di un introduccion cortico, ken e ta, el a cuminsa cu e tema di Stroke, cual ta e tema di siman di departamento di Salubridad Publico.

E ta splica cu lamentablemente cu Stroke ta un malesa cu ta wak bastante no solamente na Aruba, sino tur parti di mundo. Na Merca so tin 800 mil caso pa aña, nificando cu cada 40 seconde un persona ta haya un stroke. Mescos cu aki na Aruba, di cada 3 hende cu haya stroke, uno no ta sobrevivi.

E ta fayece e ora ey of despues di un corto tempo despues di haya stroke. Un parti si ta sobrevivi, pero ta keda cu un deshabilidad grandi. Na Hulanda dos riba mil persona ta haya un stroke. Pero si mira e edad halto, ta 10 riba cada 1000 persona a haya un stroke. Edad ta un factor di riesgo cu ta hunga un rol.

For di e cifranan cu dr. Croes a haya for di Hospital di esnan cu a keda interna na 2016, cual ta cifranan cu ta te cu October, cual ta 187 caso registra. Si mira bon, den 10 luna, 19 caso pa luna cu ta nifica un averahe di 1 caso cada dos pa tres dia. Esey ta tres pashent cu stroke pa siman. Awe ta hopi bon pa tuma tempo y papia riba e malesa importante aki.

E ta un peso grandi no solamente pa e pashent mes, cu ta keda cu un deshabilidad y tin cu adapta su bida, pero ta un peso pa comunidad y pa e famia. Diripiente e persona cu ta independiente, awo ta dependiente. E ta depende di otronan pa biba. E ta bira lam, of e no por come mas, no por cuida su mes mas. E mester ayudo y esaki ta bin tambe cu su gastonan hunto cun’e. Ta importante pa para keto un rato y papia riba dje.

Kico ta un stroke

Stroke ta cay bao di e malesanan cardiovascular. Ta malesanan a consecuencia di problemanan di curason y di ader. Tin dos tipo di stroke. E mayoria ta consecuencia di un blokeo, un obstruccion den e adernan di e celebro. Ta yam’e un infarto. Pa motibo di e infarto, un parti di e celebro ta haya suficiente oxigeno pa e por funciona. Si e blokeo aki dura largo, e celnan di e parti di e celebro ey ta muri y no ta bay traha mas.

Fastioso ta, cu esey ta ireversibel. No por draai’e bek. 20% ta a consecuencia di un sangramento den celebro. Un arteria den e cabes ta kibra y sanger ta plama den e celebro, causando daño den e adernan.

E dokter a menciona un TIA, e ta caminda e pashent ta haya sintomanan di stroke, pero e ta pasa. Nan ta resolve nan mes dentro di 24 ora. Ta manera un stroke pasahero. E ta manera un señal di advertencia. E curpa ta duna un señal cu bo ta na riesgo di por haya un stroke.

Loke ta bon pa sa, cu un gran parti di e strokenan por ta prevenibel. Ora cu un pashent haya un stroke, tin tratamentonan cu por duna na e momento eynan pa yuda salba bida di e pashent Tambe yuda reduci e riesgo pa e keda cu menos deshabilidad posibel.

 

- Advertisement -

DUNA COMENTARIO

Please enter your comment!
Please enter your name here