Home Gobierno No a firma ningun peticion pa asilo politico, segun Minister Bikker

No a firma ningun peticion pa asilo politico, segun Minister Bikker

33
0
SHARE
- Advertisement -

ORANJESTAD   (AAN): Durante e conferencia minister Andin Bikker a splica cu den e rij na DIMAS tabata tin hende para den rij cu tabata tin estadia turistico. A haci un pre-screening riba esaki y tabata tin personanan cu tabata turista, pero no kier a bay bek. Nan ta turista legalmente e tempo ey.

Awo no tin un bista di tur e 133 personanan aki. No tin e status specifico. A haci un pre-screening un rato pa mira e status di e personanan aki. Tin di nan tabata personanan turista cu tabata tin estadia turistico. Pero door cu nan a wordo mal informa, nan a haya e impresion cu nan bay aplica pa asilo politico, nan lo por keda pa un tempo indefini y a core bay aplica, pasobra nan no kier a bay Venezuela.

Den e grupo di persona, a aplica pa permiso, pero nan no a haya un vergunning. Nan no a pasa e toets di mercado laboral. Tin di nan cu a apela cu nan a wordo nenga. Ta personanan tambe den un proceso. Ta un grupo hopi diverso cu a yega Dimas.

E mes no a duna ningun asilo politico den pasado. Bao di su predecesor tin algun vergunning cu a wordo duna bao di asilo politico. Nos pais den historia di Aruba no a haya e cantidad di persona asina pidiendo pa asilo.

Esaki a wordo acelera tambe pa e mal informacion. E temponan aya ta pa aña ta un man yen di aplicacion tabata drenta den pasado. E mes no a firma ningun te awor aki segun minister Andin Bikker.

 

- Advertisement -

DUNA COMENTARIO

Please enter your comment!
Please enter your name here