Home Gobierno No ta berdad cu tin prohibicion pa piscadornan bay pisca na cabes...

No ta berdad cu tin prohibicion pa piscadornan bay pisca na cabes di Aruba

18
0
SHARE
- Advertisement -

Minister Otmar Oduber:

ORANJESTAD (AAN) – Minister Otmar Oduber, titular di Infrastructura y Medio Ambiente, a actualiza informacion, den conferencia di prensa Diahuebs, tocante e proyecto Parke Marino.

El a reitera cu esaki ta un proyecto cu tin mas di 30 aña ta andando, y awo a tuma un decision pasobra e gobierno aki si a bisa cu nos ta bin ehecuta e proteccion di nos medio ambiente.

“Mi a reuni cu Centro di Pesca Hadicurari y dos siman pasa mi a manda nan un carta unda mi a reconfirma kico ta sosodiendo cu aworaki nos ta canando e parti legislativo”, e mandatario a duna di conoce.

E Parke Marino ta algo sumamente bunita cu naturalmente ta pone Aruba den un panorama internacional, fuera di e proteccion local cu gobierno ta pone riba nos flora y fauna, y nos bida marino. Manera ta conoci e ley ta na Raad van Advies.

“Nos a splica tambe cu un bez cu esaki bin bek for di Raad van Advies pa splica tur hende cu esaki ta un LB ham pasobra e ta parti di un Landsverordening caba, y e tin un bachi legal caba, mester ehecute atravez di un LB ham”, e dignatario a splica.

El a agrega cu un bez cu ley bin for di Raad van Advies, gobierno mira e cambionan cu tin y ehecute di biaha. No ta un discusion cu tin cu sigui bay den Parlamento, aunke claro lo notifica Parlamento di e pasonan cu a tuma, y kico tur esaki ta encera.

Minister Otmar Oduber a agrega cu ayera mainta el a scucha señor Faro cu por ta haya presion aworaki di oposicion, haci comosifuera cu ta pasa un ley cu ta prohibi piscadornan pa bay pisca na cabes di Aruba.

E dignatario a subraya cu esey no ta berdad y cu e no a papia nada di prohibicion ainda, no a yega na e fase ey ainda, y locual el a splica dialuna ta loke ta den marco legal y cu tur piscador lo haya e informacion.

E mandatario a remarca cu e tabata minister di piscadornan pa siete aña y e ta un di esnan mas activo cu tabata tin, banda di su colega Romero cu aworaki a drecha un cantidad di pier tur rond di Aruba.

Minister Otmar Oduber a expresa cu el a bin introduci un cantidad di ley pa nos piscadornan, cu excepcion di esun cu ex-minister Mike de Meza a introduci aña pasa cual a crea un consternacion y a pone piscadornan rabia pasobra a pone un cantidad di pisca cu no por wordo gara den nos awanan.

 

- Advertisement -

DUNA COMENTARIO

Please enter your comment!
Please enter your name here