Home General No ta tur hende ta bin na remarca pa haya VUT

No ta tur hende ta bin na remarca pa haya VUT

62
0
SHARE
- Advertisement -

Hurista Antonio Caster:

ORANJESTAD(AAN): — Tin un anuncio di VUT regeling ta drenta na vigor entrante 1 di Augustus. Antonio Caster, hurista na DRH, a splica cu ta bay tin un periodo di dos luna, den cual personal di gobierno por haci uzo di e VUT.

Nan por aplica pa e VUT via un formulario cu tin na DRH y e obhetivo di e VUT ta pa administra of rebaha e gastonan di gobierno di Aruba. Esaki tambe ta duna oportunidad na empleadonan publico of personal di gobierno cu kier tuma retiro voluntario por haci esaki y alabes ta bay cu un pago.

Derechonan

Caster a splica cu e VUT tin un regeling unda cu dependiendo di cuanto tempo di servicio e persona tin, e por bay a base di cuanto tempo bo tin den servicio y a base di esey ta bay calcula ki derechonan bo tin y cuanto tempo bo ta haya di VUT. E ta bay un maximo di 36 luna cu bo por haya cu pago. Esey ta si bo tin minimo 10 aña ta trahando. Si bo tin mas cu 10 aña, tambe bo ta keda cu e derecho di 36 luna di uitkering di VUT.

No ta tur hende por bin na remarca pa e VUT. Ley di VUT mes ta bisa cu loke ta hefenan na departamentonan di gobierno, no ta bin na remarca pa haci peticion pa VUT. Tambe tin otro persona of empleadonan cu no ta bin na remarca. Contratistanan no ta bin na remarca, personanan cu ta traha directamente cu ministerio, personanan cu ta traha na stichtingnan di gobierno. Esnan trahando na NV tampoco no ta bin na remarca. Personal di enseñansa tampoco no ta bin na remarca, pasobra tin un escases na e personal aki. Ta algun di e personanan cu no ta bin na remarca.

Por lo general tur otro empleado publico por aplica pa VUT. Esaki ta wordo trata pa un VUT commissie, unda cu tres persona ta tuma asiento, un representante di DRH, director di Directie Financien y tambe e hefe di e departamento na cual e empleado cu ta aplica ta traha.

Interes

Ya despues cu e aviso aki a sali den prensa, tin algun persona cu a mustra nan interes pa tuma e VUT regeling. A base di esaki por bisa cu e interes lo ta basta halto entre e empleadonan publico pa bay cu e VUT.

Bahamento di gasto

VUT no ta un solucion mesora, sino e ta dura algun tempo prome cu mira su fruto. Segun Caster, e areglo di VUT ta na prome instante e prome aña ta haya 90% di bo salario mensual cu bo tabata tin. Di dos aña, si e persona bin na remarca e ta haya 80% y pa di tres aña, si e yega na dje, e ta yega na 70%.

E gastonan cu bo ta spaar riba e parti aki di un persona cu ta bay cu VUT en berdad no ta un suma cu bo ta bisa cu ta yega na loke Gobierno mester spaar riba personal, pero si e ta un parti cu ta yuda cubri of pa yega na e suma ey.

Esnan cu ta tuma VUT

Di loke cu por a experencia, personanan cu por ehemel cu tin net tres of algun dos aña prome cu nan ta yega edad di pensioen cu nan por baha, por haci esaki cu ta sluit in na nan edad di pensioen y no mester bin traha mas, segun Caster.

 

 

- Advertisement -

DUNA COMENTARIO

Please enter your comment!
Please enter your name here