Home Religion y Espiritualidad Nuncio y Obispo a scucha preocupacion di gobierno di Aruba

Nuncio y Obispo a scucha preocupacion di gobierno di Aruba

35
0
SHARE
- Advertisement -

ORANJESTAD  (AAN): Gobierno mes durante reunion cu Nuncio y tambe Obispo Luis Secco a mustra diferente cos. El a mustra situacionnan manera e tragedia di e dos muchanan cu a wordo asesina. Tur e cosnan aki ta pone nos pensa den ki sorto di sociedad nos ta. Mayoria di nos pueblo di Aruba ta profesa su fe Cristian Catolico.

No ta nifica cu balornan a bay atras. Ta pesey ta sinti cu nos mester traha mas duro. Mester cuminsa na cas. Mester educa nos yiunan na cas y esaki ta algo importante. Tin falta hopi biaha di mayornan cu ta traha, specialmente falta di tata. Hopi biaha divorcionan ta tuma luga hopi. Ta bisa cu 50% di matrimonionan cu ta realisa na Aruba tambe, despues di algun aña ta disolve.

Tur esaki ta cosnan cu ta afecta nos sociedad y ta pesey segun obispo Secco, mester reforsa evangelisacion. Mester promove balornan na scol. No solamente transmiti conocemento, sino tambe con un hoben por gana su bida y biba un bida honesto.

Nos por crea un ambiente di sociedad y comunidad, cuminsando for di chikito y obispo Secco ta sinti di berdad cu tin cu predica por ta cu mas forsa, hunto cu mayornan, yuda mayornan, facilita na scol tambe e union di scol y famia y por supuesto parokia.

Pastoornan di parokia mester yuda y uni e forsa pastoral. Esey tambe a scucha den e mensahe di Monseigneur Fortunatus. Individualismo ta reina awendia. Cada un ta busca su bienestar personal y no e union di traha hunto, di bisa con nos ta soluciona e problemanan social aki, con nos ta ataca crimen.

E situacionnan di pobresa. Tin pobresa scondi tambe na Aruba y tambe di imigrantenan. Con nos ta trata e imigrantenan, pasobra esey tambe ta un situacion cu ta pasando awendia den nos sociedad.

 

 

- Advertisement -

DUNA COMENTARIO

Please enter your comment!
Please enter your name here