Home Gobierno Obispo Luis Secco ta relata riba bishita di Nuncio Apostolico

Obispo Luis Secco ta relata riba bishita di Nuncio Apostolico

71
0
SHARE
- Advertisement -

“El a haya un caluroso bon bini

ORANJESTAD   (AAN): Mgr Luis Secco durante entrevista a comenta riba e bishita di Nuncio den region y reunionnan intensivo. Despues di Corsou, Nuncio a bin Aruba tambe y finalmente Boneiro. Durante e combersacion Obispo Luis Secco a splica cu Nuncio a wordo bon ricibi.

A cuminsa realmente cu un ricibimento na aeropuerto door di protocol. Tur cos a bay facil y rapido. Nan a compaña e delegacion cu hopi protocol y diligencia cerca prome minister. Prome cu a subi na su oficina, tabata un detaye cu a subi hunto den lift y eynan a cuminsa cu un combersacion hopi agradabel.

Prome Minister Evelyn Wever-Croes a duna un sorto di un vision di loke ta e situacion actual di Aruba. E parti social, financiero, gubernamental. Tambe e parti spiritual y despues ta bin di parti di monseigneur Fortunatus, un aporte bunita di su experiencia y tambe di su deseo di conoce mas e realidad di Aruba.

E intercambio tabata sumamente agradabel. Hasta di estilo di famia, segun obispo Secco.

E prome minister a manifesta su fe, su deseo di mehora, specialmente e tereno di economia, di sanea tur locual ta su puntonan tiki dificil y tambe di educacion, specialmente no scolnan, nos tareanan como educador. Tambe e parti di pastoornan, con nan por colabora pa mehora tur e parti di spiritualidad di nos isla.

En general e tabata sumamente agradabel. Demas ministernan a join y a presenta nan preocupacion y tambe nan speransa, segun obispo Secco. Nuncio ta bay semper riba preguntanan skerpi y directo. E ta gradici di berdad na Monseigneur Nuncio cu su preguntanan.

Mgr Luis Secco durante entrevista a splica cu riba e programa no a pone un misa special. Kier a reuni cu sacerdotenan y por supuesto cu Gobierno. Sinembargo, e misa a keda hopi bunita. Un misa normal di pueblo cu palabranan di Nuncio cu Tabata na su lugar, tumando na cuenta e Evangelio, cual el a aplica hopi bon, na con nos ta bira mucha cu ta nace di nobo. Esey tabata hopi impresionante. E tabata bale la pena di a wordo graba.

Tambe na misa tabata tin un momento spiritual caminda cu pueblo a comparti cu e sacerdotenan. Obispado ta algo importante pa Santo Papa segun mgr Luis Secco. Nuncio ta manera un extension di ministerio como Obispo di Roma, pero tambe obispo preocupa, y cu ta atende henter iglesia catolico. Pesey su mensahe a bin rebiba nos fe y tambe nos comunion.

Ta interesante cada Nuncio, cual obispo Secco a splica, cu a conoce cuater, tin su carisma.

Monseigneur Fortunatus, ademas di ta un Biblista, tin cu recorda ademas di su capacidad di analisis biblico, e ta saca e palabra di Dios asina bon, e tin un carisma di yega na pueblo. Yega na un palabra directo. Esey ta anima tur.

 

- Advertisement -

DUNA COMENTARIO

Please enter your comment!
Please enter your name here