Home Economia Oficina Central di Estadistica cu datonan importante relaciona cu importacion y exportacion

Oficina Central di Estadistica cu datonan importante relaciona cu importacion y exportacion

12
0
SHARE
- Advertisement -

Prome Kwartal 2018

ORANJESTAD  (AAN): Oficina Central di Estadistica ta presenta e resultadonan principal di e cifranan di importacion y exportacion, prome kwartaal 2018. 

Importacion total

Importacion total, den peso, a registra un caida di 4.4% den prome kwartaal di 2018 (145.4 mln kg) compara cu e mesun periodo den 2017 (152.0 mln kg), mientras, den balor, ela subi cu 6.2% di Afl. 503.6 mln pa Afl. 535.0 mln.

Importacion pa e area liber di Aruba* (peso)

Importacion pa e area liber di Aruba pa e prome kwartaal di 2018 Aruba, a baha cu 3.5% di 150.2 mln kg na 2017 pa 144.9 mln kg na 2018. Durante e periodo aki dies (10) di e bintiun (21) seccionnan, a registra caida den importacion den peso pa e area liber di Aruba.

E caidanan mas grandi por wordo observa den e seccionnan “Productonan mineral” (-4.9 mln. kg), “Metalnan comun y trabounan deriva” (-0.8 mln. kg) y “Productonan kimico” (-0.7 mln. kg).

E subida mas grandi por wordo mira den e seccion “Palo, carbon y materialnan di palo” (0.8 mln. kg), ademas, caidanan di Afl. 0.6 mln y Afl. 0.4 mln a wordo registra pa e seccionnan “Diferente productonan n.c.a.” y “Ekiponan di transporte”, respectivamente.

Importacion pa e area liber di Aruba (balor)

Importacion pa e area liber di Aruba pa e prome kwartaal di 2017 Aruba, den balor, a subi cu 9.4% di Afl. 480.7 mln na 2017 pa Afl. 525.9 mln na 2018. Diesocho (18) di e bintiun (21) seccionnan, a registra subida den importacion den balor pa e area liber di Aruba.

E subidanan mas grandi por wordo observa pa e seccionnan “Makinaria y ekiponan electronico (nobo y renoba)” (Afl. 11.4 mln), “Ekiponan di transporte” (Afl. 8.2 mln.), “Instrumentonan, aparatonan y ekiponan optico” (Afl. 6.3 mln) y “Animalnan bibo y otro productonan di origen di animal” (Afl. 4.3 mln.).

E caida mas grandi por wordo mira den e seccion “Metalnan comun y trabounan deriva” (Afl. -4.2 mln). Ademas, caidanan di Afl. 0.7 mln y Afl. 0.1 mln a wordo registra pa e seccionnan “Materialnan pa fabricacion di papel y materialnan di papel” y “Sapato, sombre y parasol”, respectivamente.

E importacion (pa e area liber di Aruba) menciona anteriormente ta e resultado di Importacion via

Lama y Importacion via Aire, cual tawata tin e siguiente efectonan:

Importacion pa e area liber di Aruba via Lama

Importacion via di Lama pa e area liber di Aruba, den peso, a registra un caida di 3.8% den e prome kwartaal di 2018 (143.9 mln kg) compara cu e mesun periodo den 2017 (149.5 mln kg), mientras, den balor, el a subi cu 9.0% di Afl. 389.3 mln pa Afl. 424.2 mln.

Importacion pa e area liber di Aruba via Aire

Importacion via di aire pa e area liber di Aruba, den peso, a registra un subida di 38.1% den e prome kwartaal di 2018 (1.02 mln kg) compara cu e mesun periodo den 2017 (0.74 mln kg), mientras, den balor, tin un subida di 11.4% di Afl. 91.4 mln pa Afl. 101.7 mln.

Importacion pa e area liber di Aruba pa “Companianan grandi”**

Importacion pa “Companianan grandi”, den peso, a baha cu 3.5%, di 24.2 mln kg den e prome kwartaal di 2017 pa 23.4 mln kg den e prome kwartaal di 2018, mientras, den balor, tin un subida di 17.8%, di Afl. 45.8 mln pa Afl. 53.9 mln.

Exportacion total

Exportacion total, den peso, a registra un caida di 25.2% den e prome kwartaal di 2018 (4.5 mln kg) compara cu e mesun periodo di 2017 (6.0 mln kg), mientras, den balor, ela baha cu 9.6% di Afl. 34.3 mln pa Afl. 31.0 mln.

Exportacion for di area liber di Aruba (peso)

Exportacion via Lama pa e area liber di Aruba, den peso, a registra un caida di 14.6% den prome kwartaal di 2018 (3.8 mln kg) compara cu e mesun periodo den 2017 (4.5 mln kg). Nuebe (9) di e bintiun (21) seccionnan, a registra un caida den peso den e exportacion total for di Aruba. E caidanan mas grandi por wordo observa den e seccionnan “Materialnan pa fabricacion di papel y materialnan di papel” (-1.3 mln kg) y “Productonan vegetal” (-0.2 mln kg).

E subidanan mas grandi por wordo observa den e seccionnan “Metalnan comun y trabounan deriva” (0.5 mln kg) y “Makinaria y ekiponan electronico (nobo y renoba)” (0.2 mln kg).

Exportacion for di area liber di Aruba (balor)

Exportacion via Lama pa e area liber di Aruba, den balor, a registra un subida di 13.9% den prome kwartaal di 2018 (21.1 mln kg) compara cu e mesun periodo den 2017 (18.5 mln kg). Diesdos (12) di e bintiun (21) seccionnan, a registra un subida den valor den e exportacion total for di Aruba. E subidanan mas grandi por wordo observa den e seccionnan “Diferente productonan n.c.a.” (Afl. 3.1 mln), “Productonan kimico” (Afl. 1.7 mln.) y “Makinaria y ekiponan electronico (nobo y renoba)” (Afl. 0.5 mln).

E caidanan mas grandi por wordo mira den e seccionnan “Instrumentonan, aparatonan y ekiponan optico” (Afl. -1.3 mln). Ademas, caidanan di Afl. 1.2 mln y Afl. 0.4 mln a wordo registra pa e seccionnan “Metalnan comun y trabounan deriva” y “Animalnan bibo y otro productonan di origen di animal”, respectivamente.

 

 

 

 

 

- Advertisement -

DUNA COMENTARIO

Please enter your comment!
Please enter your name here