Home Gobierno Opcion di VUT y part time pa ambtenaar a drenta na vigor

Opcion di VUT y part time pa ambtenaar a drenta na vigor

95
0
SHARE
- Advertisement -

Prome Minister Wever-Croes:

ORANJESTAD (AAN) — Prome Minister Evelyn Wever-Croes, a toca un bez mas e tema di e retonan financiero-economico cu nos pais ta enfrentando.

E dignatario a reitera cu no ta secreto cu nos pais ta dilanti retonan sumamente grandi, cu e gobierno aki a topa cu nan y cu no tabata na haltura di nan.

Esaki a haci cu Aruba a pasa e prome lunanan hopi dificil cu e crisis heffing na vigor. Gobierno, e dignatario a subraya, ta convivi hopi cu pueblo pasobra nan sa cu esaki tin su impacto.

Prome Minister a indica cu gobierno haci tur su esfuerzo dentro di e posibilidadnan financiero pa duna compensacion na esnan cu mester a haye na reparatie toeslag, control di prijs, etc., no obstante nan sa cu esaki tin su efecto.

El a reitera tambe cu nan ta trahando na mes momento pa lanta cabes di e crisis financiero cu e pais ta aden. “Nos ta dunando atencion pa e weso financiero di nos pais ta saludable pa asina nos por duna mas compensacion”, Prome Minister a señala.

Ademas, gobierno ta trahando cu hopi esfuerzo pa baha gasto di gobierno. E mandatario a reitera cu e gastonan di personal ta esnan di mas pais. 

VUT NA VIGOR:

Den e contexto aki e dignatario a anuncia cu dia 2 di Augustus a drenta na vigor un di e otro decisionnan cu gobierno a tuma, cu ta introduccion di VUT.

Manera ta conoci VUT ta un areglo pa esnan cu ta ambtenaar, unda esnan cu no kier sigui traha pa gobierno ta haya e oportunidad aki, di cual por haci uso di dje na Augustus y September pa aplica. Esaki no kiermen cu nan tin cu kita na Augustus of September, pero por ehemplo, por dicidi cu ta bay 1 di Januari 2019. No obstante tin cu aplica awor.

Prome Minister a sugeri esnan interesa pa prome cu aplica busca bon informacion, tumando contacto cu Recurso Humano, cu nan tin un sistema bon computariza cu ta calcula den un rato kico ta e suma cu e persona ta bay haya, pa e ta bon prepara.

E periodo di VUT ta tres aña. Esaki ta nifica cu durante e periodo aki e persona ta sigui haya salario. E ta keda wordo considera como ambtenaar, cu su derechonan intacto, pero locual si e no ta haya ta su salario completo. E prome aña e ta haya 90%, e di dos 80% y e di tres y ultimo 70% y despues di esey ya no ta ambtenaar mas, kiermen pago di salario ta stop.

No obstante, Departamento di Recurso Humano (DRH) lo duna un conferencia di prensa pa duna mas informacion al respecto.

Esaki ta un di e varios instrumentnan cu Gobierno ta usando pa baha gasto di gobierno. 

POSIBILIDAD PART TIME:

Otro posibilidad cu e dignatario a menciona ta cu ambtenaarnan cu no ta desea di sigui traha tempo completo, por traha mitad dia.

Un tata of mama cu kier pasa mas tempo cu nan yiu, por ehemplo un baby, por haci uso di e posibilidad aki. Tambe riba e punto aki por haya informacion na DRH.

NO MAS PERSONAL:

Apart di e opcionnan describi, e mandatario a menciona cu gobierno no ta tumando mas hende den servicio. Y asina mes ta dificil pa cumpli cu locual gobierno ta cumpliendo, segun Minister Presidente.

 

- Advertisement -

DUNA COMENTARIO

Please enter your comment!
Please enter your name here