Home Social OPPA ta invita su miembronan pa participa na e programa di su...

OPPA ta invita su miembronan pa participa na e programa di su 30 aña di existencia

27
0
SHARE
- Advertisement -

ORANJESTAD (AAN): Pa celebra e hecho cu dia 26 di augustus venidero OPPA ta celebra su 30 aña di existencia, OPPA a traha un programa cu actividad diversifica pa su miembronan.

Pa e motibo aki OPPA ta manda un invitacion special na su miembronan pa participa activamente na e diferente actividadnan, reparti durante 2 siman. Lo tin presentacion y demostracion di On-Line Banking y otro servicionan bancario mas di Aruba Bank, RBC y CMB Bank.

E presentacionnan aki ta pa e miembronan clientela di cada banco y tur lo tuma luga na Biblioteca Nacional na Playa. Tambe ta bay tin un charla di dr. Viana combina cu demostracion di diferente remedi natural y suplemento cu ta bon pa nos salud, pa cortesia di Oduber Agencies. E charla aki lo tuma luga na SIMAR.

Tambe ta bay tin un demostracion di cushinamento saludabel. Durante e mainta aki Oduber & Kan tambe lo tene un charla tocante diferente malesa di wowo y alavez e miembronan lo tin oportunidad di controla nan oido.

E actividad aki lo tuma luga na YMCA, Dakota. Un otro colaborado riba OPPA su programa ta SETAR, cu tambe lo duna presentacion di su servicionan, entre otro pago On-line. Y pa cera e programa lo tin e grandioso fiesta bailabel na Renaissance Convention Center.

E programa di Hubileo 30 reparti riba dos siman:

Diamars 14 di augustus tin Presentacion di Aruba Bank N.V.  Riba Diahuebs 16 di augustus tin Charla di dr. Viana etc.  Riba Diasabra 18 di augustus tin Demostracion di cushinamento saludabel etc.

Riba Diamars 21 di augustus tin Presentacion di Banco RBC.  Riba Diahuebs 23 di augustus tin Presentacion di Setar N.V.  Riba Diabierna 24 di augustus tin Presentacion di CMB Bank.  Anto finalmente riba Diadomingo 26 di augustus lo tin Fiesta bailabel.

OPPA ta haci un suplica riba su miembronan cu tin nan propio laptop,  Smartphone of tablet, pa trece esaki durante e presentacionnan di e banconan y Setar. Tin un cierto cantidad di computer so disponibel na Biblioteca Nacional.

Cuminsando desde diamars 7 di augustus, e miembronan por pasa oficina di OPPA pa registra y cuminsa busca nan carchinan, completamente gratis.

- Advertisement -

DUNA COMENTARIO

Please enter your comment!
Please enter your name here