Home Turismo y Hoteleria Otro pop-up na Renaissance Aruba durante Chaska

Otro pop-up na Renaissance Aruba durante Chaska

18
0
SHARE
- Advertisement -

ORANJESTAD (AAN)—- Renaissance Aruba ta cla pa otro pop-up restaurant; y ta sigur cu Abo tambe! E siguiente pop-up, lo ta edicion #2 di CHASKA!. Manera cu e fanatico di ‘indian food’ sa; recetanan di India ta keda caracterisa pa nan ingredientenan spicy. Cu e diferente pop-up restaurantnan di Renaissance Aruba bo ta haci un biahe culinario mientras cu bo ta na Aruba mes.

Durante CHASKA lo disfruta di platonan suculento di Mumbai, Banaras y New Delhi- tres di e ciudadnan culinario mas bishita na India. CHASKA lo keda accentua cu musica di Dj y bishitantenan lo por pone Mehendi tambe.  Un experiencia total; pa compaña e ambiente culinario lo tin Indian dancers!

Chefnan di Renaissance Aruba lo trece esencia di India durante di CHASKA. E biaha aki e pop-up lo tuma lugar na unda antes tabata La Linda riba dianan 3 y 4 di augustus. CHASKA lo ta habri pa lunch y dinner – for di 12’or di merdia pa 10or di anochi. Por spera platonan manera e.o Chicken Tikka Masala, Dal Makhani, Goa Fish Curry, Briyani (rice) cu Shrimps. Finalisa e lunch of dinner cu algo diferente y zoet, purba un dessert netamente di India; por scoge entre Sahi Tukda, Matka Kulfi, Gulab jamun cu Ijs- cream.

Si ta desea di come un ‘small bite’ por scoge entre Vegetarian Pakoras, Amritsari Fish, Pav Bhaji y varios mas  – por pidi esakinan como aperitivo tambe. Na final di lunch of dinner lo ricibi un dushi Masala Chai! Semper India a sobresali pa su ingredientenan y awendia ta mantene su mes riba e prome plano di sabor!  Pa mas informacion por yama e Renaissance Navigator na 523.6115

 

- Advertisement -

DUNA COMENTARIO

Please enter your comment!
Please enter your name here