Home General Overtime Douaneronan di e warda 12-8 na Airport ta costa menos di...

Overtime Douaneronan di e warda 12-8 na Airport ta costa menos di 40.000 pa aña

226
2
SHARE
- Advertisement -

ORANJESTAD (AAN): Diaranzon atardi durante un conferencia di prensa urgente yama pa Sindicato SADA na sede di SEPPA na Hato, nan a bin skerpi dilanti.

Nan ta pidiendo Ministro Xiomara Ruiz-Maduro y tambe Director y Lidernan di Aduana Aruba pa haya cifra pa wak si berdad e overtime di e warda di 12-8 ta costando 600.000 Florin pa aña.

Eduard Maduro, president di SADA a presenta documentonan unda ta mira, cu e warda di 12-8 na Airport, unda tin 2 Douanero trahando henter madruga, desde Januari 2018 te cu Juli 2018, (212 dia di aña) apenas a costa pais Aruba e suma di 20.000 Florin.  E calculo ta cu kizas pa henter 2018, e suma total lo no bay pasa 40.000 Florin pa aña.

Ministro Ruiz-Maduro ta insisti cu ta 600.000 Florin e warda di 12-8 ta costa na overtime.  SADA a pidi di hopi tempo caba pa haya e cifra ey, pero nada te ainda.  Awor cu SADA a haya nan propio cifranan, nan ta convenci cu Ministro ta full off den e calculo cu e lo a haya.

Maduro a bay mas leu, pa mustra cu imaginabo si bo tuma henter e servicio di Douane na Aeropuerto.

Di tur e Douaneronan trahando warda di mainta, merdia, anochi, y madruga na Airport… di Januari 2018 te Juli 2018 (212 dia di aña), ta solamente 191.000 Florin pico a wordo paga na overtime.

Si bo extrapola e cifra ey pa 2018 completo, kizas overtime TOTAL pa henter Douane na Airport (tur warda) lo no ni yega 400.000 Florin.

Di unda Ministro Xiomara Ruiz-Maduro a saca e suma di 600.000 Florin.  Sindicato SADA a mustra cu nan lo bay hiba tur esakinan den e caso sumario cu lo tuma lugar Diahuebs den Corte di Husticia.

Riba e potret por mira Eduard Maduro ta mustrando e Landsbesluit regardando rangonan di Douane Aruba, unda bo ta mira claramente cu tur e Douaneronan aspirant cu a cuminza traha na Aeropuerto, ya ta cay bao di e rango di “Hulp Commies”.  Pues nan tin tur nan pleno derecho caba, y nan a keda desanima ora cu Ministro Ruiz-Maduro a expresa su mes den forma denigrante den nan direccion.  SADA ta spera cu por lo menos Ministro lo tin e balor di ofrece disculpa na tur e 13 Ambtenaarnan di Douane cu a cuminza reforza esnan na Airport.  Sindicato ta convenci cu Ministro no conoce e rangenstelsel ni e reglanan aki corecto.

E bon noticia ta cu e 13 Douaneronan nobo aki, lo bay elimina hopi mes e necesidad di Overtime na Airport.  Pasobra awor e ocupacion (‘bezetting’) di Cuerpo Aduanero na Aeropuerto ta casi bek na normal.

- Advertisement -

2 COMMENTS

  1. Lesa bon.
    Overtime di esnan di Douane warda 12-8 madruga ta 40.000 Florin.
    Overtime di henter Douane Airport TUR WARDA ta casi 400.000 Florin

DUNA COMENTARIO

Please enter your comment!
Please enter your name here