Home General Pa 2018 ya a captura 951 LionFish rond di Aruba

Pa 2018 ya a captura 951 LionFish rond di Aruba

114
0
SHARE
- Advertisement -

ORANJESTAD (AAN); Sin duda alguno, e lucha na Aruba contra e pisca di especie invasivo di LionFish, ta sigui biento en popa.

E organizacion local di “Aruba LionFish Initiative Foundation” a revela e siman aki, cu e cantidad oficial di LionFish cu a wordo saca for di lama di Aruba di 1 Januari 2018 te cu 20 di Juli 2018, ta 951.

Sin duda, e 951 LionFish captura aki a salba 4.755.000 pisca di rif y coralnan pa aña.  No lubida cu 1 solo LionFish ta come 5.000 pisca, cangreu, y kreeft pa aña.

E voluntarionan di Aruba LionFish Iniciative Foundation (ALFI) a salba 4.755.000 pisca pa aña, pa un promedio di 10 aña basa riba e 15 aña cu un LionFish ta biba, esey ta 4.75 miyon.

Pa e aña aki tambe, nan a haya 13 miembro certifica nobo pa yuda captura LionFish.  Ademas di esey, e fundacion a haya paña special pa nan bisti ora di bay scuba-dive y captura e piscanan aki.

Ta conoci cu LionFish tin algun spina cu por laga un buceador herida.  Pesey awor nan tin algun ALFI Rash Guards nobo pa nan bisti.  Esaki ta pa nan ta mihor visible bao of riba awa, y tambe proteha nan cuero di cualkier toque cu e spina di e piscanan aki.

 

- Advertisement -

DUNA COMENTARIO

Please enter your comment!
Please enter your name here