Home Salud PAHO ta urgi pa aumenta vacunamento pa stop sarampi di plama den...

PAHO ta urgi pa aumenta vacunamento pa stop sarampi di plama den Latino America

9
0
SHARE
- Advertisement -

ORANJESTAD (AAN): Te ainda como 34 miembro di Pan American Health Organization (PAHO) ta liber di sarampi.  Pero ta conoci cu e virus ta plamando den forma endemico na Venezuela.

Pa por stop e malesa aki di sigui plama den e region, e Director di PAHO, Carissa F. Etienne, a urgi tur pais pa rapidamente aumenta cobertura di vacuna.

“Ta vital pa nos sigui vacuna pa asina logra yega na mas di 95% di nos muchanan tur caminda,” Etienne a bisa.  “Nos mester reforza tambe vigilancia epidemiologico nacional y establece equiponan di reaccion rapido pa asina maneha casonan sospechoso, preveni casonan nobo, y stop e expansion.  E medidanan aki pa sostene eliminacion a wordo aproba door di Ministronan di Salud na 2017, y e dedicacionnan aki mester wordo renoba.”

Circulacion di sarampi den otro regionnan di mundo semper a representa un menaza continuo pa continente Americano, como cu casonan importa por reintroduci e virus mey-mey di hendenan cu no ta vacuna.  Na 2017 tabatin 149.142 caso di sarampi raporta rond mundo, cu continente Americano raportando solamente 0,6% di nan.

Pero na Juli 2017, Venezuela a raporta e prome caso di e actual epidemia di sarampi, y a confirma cu esaki a bin debi na un virus cu a wordo raporta originalmente na Asia y despues na Europa.

Desde 20 di Augustus 2018, Venezuela a raporta 3.545 caso confirma di sarampi, incluyendo 62 morto.  Como diez otro pais den region a raporta un total di 1.459 caso y seis morto.

 

- Advertisement -

DUNA COMENTARIO

Please enter your comment!
Please enter your name here