Home General Parlamentario contento cu camindanan di Noord ta hayando atencion di DOW

Parlamentario contento cu camindanan di Noord ta hayando atencion di DOW

11
0
SHARE
- Advertisement -

ORANJESTAD (AAN): Drs. Shailiny Tromp-Lee di MEP a mustra cu e ta contento cu Gobierno mediante DOW ta dunando e careteranan den Noord atencion y e mantencion necesario.

E ta haci peticion special pa asfalta e caminda pariba di St. Aloysius y St. Anna School y e ‘zijwegennan’ cu ta conduci pa e schoolnan na Washington.

Durante tratamento di presupuesto di DOW pa aña 2018 Parlamentario Tromp-Lee a menciona cu e ta contento cu Gobierno mediante di DOW lo sigui poco poco cambia su funcionamento di uno corectivo pa uno preventivo pa loke ta trata e area di mantencion. Algo cu señora Tromp-Lee ta convenci cu a largo plazo lo beneficia nos pais.

Otro punto cu segun Tromp-Lee ta importante ta cu e placa cu Parlamento ta pone disponibel lo sigui keda inverti den reconstruccion y mantencion di nos infrastructura di caminda.

Pa loke ta trata caminda señora Tromp-Lee a indica di ta super contento cu trabaonan di mantencion a cuminsa ariba e careteranan principal den Noord. Un necesidad cu e tin hopi aña ta bin ta indica. Ultimo añanan e adernan principal di Noord a bay hopi atras. Recientemente a traha ariba e caminda di Fermins Bar pa misa di Noord.

Parlamentario Tromp-Lee a enfatisa e deseo y necesidad cu tin pa demas camindanan principal den Noord haya nan mantencion necesario. Como ehempel el a menciona e caminda di Misa di Noord pa Westpunt, di Rio Grandi pa hotelnan, di Compleho deportivo Frans Figaroa pa Superfood y e caminda principal dilanti hotelnan.

Banda di e camindanan principal Parlamentario Tromp-lee a haci un peticion special na sr. Minister, esta pa asfalta e caminda patras di St. Anna School y Sint Aloysius school y rond di e veld di SC United (ex-SV Jong Aruba).

Señora Tromp-Lee a subraya e echo cu su yiu homber a bay 6 aña St. Aloysius y ainda e tin un yiu cu ta bishita e school aki, y tur oudersavond e hoofd di school ta pidi nan sosten pa cu peticion pa Gobierno pa bin cu un solucion pa e molester di stof na school St Aloysius.

E scol no tin airco y p’esey e molester di stof ta hopi grandi. Pero banda di e problema cu stof, e caminda aki ta uno cu ta keda usa diaramente door di hopi mayor y asina tambe ta dividi e drukte ora di hiba y busca e muchanan di school. Unico otro entrada pa hiba y busca ta den cura di misa. Lamentablemente e caminda aki, asina un tiki awa cay e ta keda na werki.

Otro situacion di urgencia cu Shailiny Tromp-Lee a indica ta e camindanan cu ta concentra rond di school preparatorio y basico na Washington. Akinan tin diferente zijwegen cu tur ta conduci na e caminda pa e school y akinan e cas y famianan ta sufri hopi di stof door di e drukte y traficacion di auto. Pa e motibo aki mes Tromp-Lee a haci un peticion special na Minister di Infrastructura pa duna e dos situacionnan aki atencion y prioridad.

- Advertisement -

DUNA COMENTARIO

Please enter your comment!
Please enter your name here