Home Parlamento Parlamentario Edgar Vrolijk ta pidi Minister Otmar Oduber pa manda ‘ploeg’-nan pa...

Parlamentario Edgar Vrolijk ta pidi Minister Otmar Oduber pa manda ‘ploeg’-nan pa chapi na schoolnan

32
0
SHARE
- Advertisement -

ORANJESTAD (AAN): Parlamentario di MEP Edgar Vrolijk tin un peticion na Minister di Infrastructura y Medio Ambiente.

Durante un di e conferencianan semanal di prensa di fraccion di MEP, Vrolijk a indica cu falta menos cu 2 siman pa schoolnan habri y mientras cu e docentenan ta trahando duro preparando nan klasnan, bo ta wak cu na varios di e schoolnan tin hopi mata.

“Mi no ta kere cu ta husto pa e docentenan cu ta preparando nan klasnan mes tin cu bay chapi e cura di school”.

“Mi no ta sinta den ningun stoel di minister, pero mi ta core rond y wak y ta den contacto cu schoolnan tambe y ta tristo pa wak e estado di e curanan di school, yena cu yerba y mata door di e tiki awa cu a yobe”.

“Pesey mi ta hasi un peticion na minister Oduber, pa e pone algun di e ‘ploeg’-nan disponibel pa bay chapi y corta mata na e schoolnan”, segun Vrolijk, kende a indica cu e cosnan chikito ey mes por yuda trece animo pa e comienzo di aña escolar.

“No ta un cos cu lo costa nos placa, pasobra ta personanan cu ya caba ta riba payroll”.

“Ta djis mester cambia nan lugar di trabao pa algun tempo”, segun Vrolijk, kende a indica cu esaki ta un peticion husto.

 

- Advertisement -

DUNA COMENTARIO

Please enter your comment!
Please enter your name here