Home Parlamento Parlamentario Endy Croes a proba cu e calculo di Marlon Sneek di...

Parlamentario Endy Croes a proba cu e calculo di Marlon Sneek di AVP no ta corecto

30
0
SHARE
- Advertisement -

ORANJESTAD (AAN): Pa Parlamentario Endy Croes di MEP, e no ta compronde con Marlon Sneek kier pretende cu AVP a logra un surplus den 2018 conforme normanan di ley LAFT y CAft.

Marlon Sneek recientemente a declara den conferencia di prensa, cu si a sigui e maneho di Mike Eman y AVP a logra un Surplus den aña 2018 di acuerdo cu e ley di LAFT cual ta stipula un Surplus di 0.5% cual ta igual na 25 Miyon Florin.

Endy Croes ta haya cu ta increibel cu Marlon Sneek a sinta den mesun reunion cu el a sinta na Juni momento cu CAft tabata na Aruba.

Den e reunion ey Marlon Sneek no a habri boca, pero a keda keto y tuma tur e golpi cu presidente di CAft a basha riba e “vorige regering”.   Presidente di CAft a splica dilanti Sneek, cu e debe nacional a crece di tal forma e ultimo 8 añanan unda AVP a mas cu redobla esaki di 41.7% pa alrededor di 90%. Interes cu Aruba mester paga den 2018 ta 216 MIYON Florin cual ta igual na 600 mil Florin pa cada dia. Marlon a keda keto.

Raymond Gradus a menciona (y grabacion ta existi), cu un baby cu nace awe tin un debe di 40.000 Florin riba su cabez.  E kier sa di con Marlon no a reacciona e ora ey?

Raymond Gradus a splica tambe cu enberdad AVP  “NO a logra e norma di 2017 cual mester tabata un deficit di 0.5%  di acuerdo cu ley di LAFT pero esaki a resulta di ta 2.6%  mas e deficit di 0.5% a alcansa 3.1%  cual ta igual na un deficit di 155 Miyon pa locual ta trata aña 2017”. “De Norm 2017 is Buitenbereik”. Marlon Sneek di AVP tabata muisstil atrobe.

Mi tabata den e mesun reunion ey y ta pesey mi por papia. Marlon Sneek  den nomber di AVP a sinta tuma tur e golpi manera un mucha manda di 6de klas sin reacciona y defende nan maneho. Awe Marlon kier sali pafor casi 2 luna despues y kier splica cu si a sigui e maneho di Mike Eman a haal tur norma incluso e Surplus di 2018. Ken por kere Sneek?

- Advertisement -

DUNA COMENTARIO

Please enter your comment!
Please enter your name here