Home Parlamento Parlamentario Endy Croes ta haya cu Marlon Sneek no por bin play...

Parlamentario Endy Croes ta haya cu Marlon Sneek no por bin play santo awor

86
0
SHARE
- Advertisement -

ORANJESTAD (AAN): Parlamentario Endy Croes a reacciona riba Marlon Sneek di AVP.  Croes ta opina cu Sneek ta sigui bruha tera.

Segun Marlon Sneek, desde 2015 gabinete Mike Eman a bin ta reduciendo gastonan di gobierno buscando solucionnan concreto.   Esaki Parlamentario Croes ta haya Marlon Sneek como algo bergonzoso.

E ta haya cu Sneek mester ta sincero y bisa kende ta esnan cu a percura pa redobla e debe di Pais Aruba.  El a suministra un tabel di Banco Central y pueblo por mira cu propio wowo y comproba con desastroso e maneho di AVP tabata.

Mira aña 2011(deficit -325 Miyon), 2012 (deficit -443 Miyon), 2013 (deficit -333 Miyon), 2014 (deficit -405 Miyon). Aki ta unda Hulanda a cay aden y a manda Mike Eman un “KB” y Hulandesnan a drenta cuminsa investiga. Aki ta unda Gobernador no a firma presupuesto 2014 y Mike Eman a bay den welga di hamber mainta, bebiendo Ensure scondi anochi.

Pues e debe astronomico aki ta Marlon su partido mes a crea.  Anto awor kier gaba cu AVP a reduci gastonan di gobierno na 2015? AVP a haye presiona cu un ley di LAFT y un CAft den su stoma cu e mester reduci gastonan pa coregi su mal maneho y e “desaster financiero” cu el a causa. Esaki ta e realidad y berdad.

Pues ta con Marlon Sneek kier gaba awe cu AVP desde 2015 ta bahando gasto?  Pa motibo di mal maneho financiero di AVP,  tin  awe CAft na Aruba. Ta pa mesun rason di mal maneho a redobla nos debe nacional di 41.7% pa 90%. Pa mesun rasonnan aki awe Aruba mester paga den 2018 un suma di 216 Miyon solamente na interes cual ta igual na 600 mil pa dia.

E ta haya cu Marlon Sneek no por bin play santo awor.

- Advertisement -

DUNA COMENTARIO

Please enter your comment!
Please enter your name here