Home Enseñanza Parlamentario Marisol Lopez-Tromp mustrando cu Enseñanza por wordo drecha pero tin di...

Parlamentario Marisol Lopez-Tromp mustrando cu Enseñanza por wordo drecha pero tin di bay cu bon planificacion

40
0
SHARE
- Advertisement -

ORANJESTAD (AAN): Tur hende cu ta den mundo di educacion, sa cu Enseñansa ta un trabao continuo. E no ta algo cu bo ta haci awe y mañan ya bo por mira resultado. E ta a base di division y planificacion. E asunto mes di falta di luga no ta algo nobo. Esaki ta algo cu ta semper ta sosode den cada inicio di aña escolar.

Segun Lider di Fraccion POR, Marisol Lopez-Tromp, ta asina cu e no ta depende solamente di placa, e no ta depende solamente cu falta mas areanan, e no ta solamente infrastructura, e ta depende di e hecho cu Gobiernonan mester defini con grandi nan kier crece nos pais y traha a base di planificacion pa loke ta e futuro di Aruba pa por tin un bista di kico por spera di cada aña escolar nobo. E tin di haber por ehempel di cuanto permisonan ta worde duna, e tin di haber di cuanto hendenan nan ta laga Aruba crece cun’e, cuanto mucha ta nace, etc.

E tin hopi factor cu por planifica cun’e. E no ta solamente falta di placa, e tin di haber cu planificacion. Y no solamente di e factor di enseñansa.

Segun Marisol Lopez-Tromp di Partido POR, Aruba ta hopi ocupa caba cu tur loke ta e contendio di e curiculo, e lesnan, di nos yiunan. E tin haber cu algo mas grandi cu ta nos pais su planificacion, su capacidad di carga y con grandi ta premira cu Aruba ta bay crece.

Si wak cifra y datonan cu tin, por wak pronosticonan ora cu nan haci investigacion cuanto nan ta spera cu ta bay tin por ehempel na hende grandi pa tal aña, cuanto ta bay tin na adult, cuanto ta bay tin na mucha, cuanto baby ta nace, etc. Ta depende tambe di e muchanan mes, dus ken ta bay over y ken ta keda sinta.

P’esey mes ora señora Lopez-Tromp tabata Minister encarga cu Enseñansa nan a traha e tempo ey schoolnan nobo, no solamente renoba, sino tambe a bin cu school Kudawecha na Noord. Tabatin un rapport cu ta indica cu e ta necesario cu e area entre Noord y Paradera haya un school basico nobo y tambe un kleuter cu lo mester bin den transcurso di tempo si kier cumpli cu e necesidadnan cu e area aki tin.

E ta conta pa mas area na Aruba. Kiermen parti di infrastructura ta un di nan, e parti di placa tambe ta un di nan, pues mester tin fondo pa trah’e, pero na mes momento tambe Gobierno mester tin un bista di con nos pais ta bay ta por ehempel aki dos aña, aki cinco aña, aki dies aña, etc. Y a base di esey ta planifica.

Aworaki tur ta core tras di e hechonan. Bo ta haya bo mes cu situacionnan, anto tur ta sigui tras di e situacion aki cu nos pais a crece. E realidad ta cu no tin suficiente atencion tur caminda pa nos schoolnan. Esakinan ta puntonan cu ta worde entendi den parti di enseñansa.

- Advertisement -

DUNA COMENTARIO

Please enter your comment!
Please enter your name here