Home Parlamento Parlamentario Sue Ann Ras kier sa kico SKOA ta haci cu tur...

Parlamentario Sue Ann Ras kier sa kico SKOA ta haci cu tur e placa cu nan ta haya

132
0
SHARE
- Advertisement -

ORANJESTAD (AAN): Parlamentario Sue Ann Ras ta cuestiona transparencia di SKOA.

“Net prome cu aña escolar nobo a cuminza mi a bishita diferente school y mi a ripara cu tin un discrepancia grandi den preparacion, entre e schoolnan di SKOA y e schoolnan publico”.

“E maneho ta hunga un rol grandi, pero e transparencia cu SKOA no ta bin cune tambe ta hunga un rol”.

Esaki segun Ras, kende a sigui bisa cu 2015 ta ultimo biaha cu SKOA a entrega un relato annual.

El a sigui bisa cu den e ultimo presupuesto el a wak cu SKOA ta haya 75 miyon florin.

Na 2017 nan a haya casi 70 miyon florin y awor na 2018 el a crece bira 75 miyon florin.

Ras a indica cu e minister anterior a trece dilanti cu semper tabata aloca 1 miyon florin pa mantencion di e schoolnan di SKOA, pero asina mes cada biaha cu un bentana, porta of otro cos kibra, e schoolnan ta bin bek na Gobierno pa haya ayudo y esaki ta conta specialmente pa schoolnan di SKOA.

“Gobierno den e presupuesto ta pone placa caba pa esaki y asina mes SKOA ta pidi pa mas, den e casonan menciona”.

“Nos mester tin e relato annual y falta un plan di mantencion”.

“Si bo ta e fundacion mas grandi di Aruba cu tin mayoria di e schoolnan, bo mester tin un plan di mantencion di cada aña”.

“No por ta posibel cu cada biaha cu algo ta pasa na un di e schoolnan aki ta Gobierno mester cay aden, mientras cu bo ta hayando placa caba”.

Esaki segun e parlamentario di MEP, kende ta puntra su mes kico SKOA ta haciendo cu tur e placa cu nan ta haya.

“Pesey ta hopi importante pa nos haya e relatonan annual, pasobra segun e relatonan estadistico cu nos ta uza, bo ta wak cu SKOA tin alrededor di 10 mil alumno y cada un ta wordo cobra 175 forin”.

“Esaki ta mas cu 1.7 miyon florin, pues mi pregunta ta unda tur e placa aki ta bay”.

“Kico nan ta hasi cu e placa y dicon nos docentenan no por tin tur e facilidad y materialnan educativo?”.

Esaki segun Ras, kende a indica cu cerca e schoolnan publico bo ta wak cu esaki ta diferente.

- Advertisement -

DUNA COMENTARIO

Please enter your comment!
Please enter your name here