Home Enseñanza Parlamentario Vrolijk di MEP cu mensahe riba prome Dia di Scol

Parlamentario Vrolijk di MEP cu mensahe riba prome Dia di Scol

16
0
SHARE
- Advertisement -

ORANJESTAD (AAN): “Teaching is the one profession that creates all other professions”. Cu e dicho aki, Parlamentario Edgard Vrolijk di MEP kier a cuminsa cu un reflexion pa cada ciudadano pa e importancia di educacion pa un pais.

Na Aruba nos educacion tin su retonan pa por yega na un enseñansa di calidad duradero y cu sigur lo brinda nos dushi isla un futuro. Pero si nos cada un no realisa esaki y no pone nos nanishinan den mesun direccion nos lo keda cu un enseñansa deficiente.

Nos muchanan mester ser brinda un educacion basa riba ampliacion di conocemento, cu e alumno mes por pensa ki ta bon y ki ta malo y su mes por tuma decisionnan den bida corectamente y alavez nos lo crea un hoben mas creativo pero tambe menos dependiente. Y asina nos por ta prepara pa e cambionan den futuro.

Pa nos por logra esaki den un futuro nos tin di trece cambionan importante den nos sistema educativo. Sigur nos tin di haci un evaluacion total y basa riba esaki trece cambionan a corto, medio y largo plazo.

Banda di esaki mester concentra pa percura pa tin suficiente profesionalnan pa yuda nos cuerpo di docente, sigui duna e docente e oportunidad di por sigui profesionalisa y actualisa su mes, mehora nos infrastructura, trece innovacionnan necesario y percura pa un clima di trabao positivo.

Mi sa cu nos tin un crisis y cu placa ta hunga un rol importante, pero mi persona ta sigui keda positivo cu mester por pone prioridanan y sigur educacion mester ta uno importante y cu hunto nos por logra lo maximo pa cada un di nos studiantenan y cu semper den nos mente cu si nos haci bon uzo di educacion esaki por ta e arma di mas poderoso cu nos tin pa nos por logra cambionan grandi den nos comunidad.

Pa e motibo aki mi persona kier a desea cada un colega den enseñansa un bon aña escolar 2018-2019 cu sigur lo ta yena di retonan, pero cu nos lo sa di supera y traha duro na bienestar di nos studiantenan. Tambe mi no por lubida di desea mayornan tur cos bon pa nan y sigur cada studiante pa aña escolar 2018-2019 pasobra cada mayor ta hunga un rol importante den progreso di nos yiunan.

Y por ultimo tur studiante mi ta deseanan un bon aña escolar y cu nan lo sa di haci lo maximo pa logra nan metanan y progresa pa nan mesun bienestar y di nos pais.

Pa termina mi tin di bisa cu hunto nos por logra hopi cambio positivo den enseñanza na bienestar di nos dushi isla Aruba.

- Advertisement -

DUNA COMENTARIO

Please enter your comment!
Please enter your name here