Home Parlamento Parlamento ta exigi carta di WEB for di Prome Minister

Parlamento ta exigi carta di WEB for di Prome Minister

12
0
SHARE
- Advertisement -

Parlamentario Marlon Sneek

ORANJESTAD (AAN): Tur decision cu gabinete Wever Croes tuma, ta confirma e incapacidad di e gobierno, un gobierno cu no tin solucion pa nada, un gobierno sin vision y un gobierno cu no tin capacidad pa sirbi interes di pueblo na luga di sirbi interes di friend and familie solamente, sigun Parlamentario Marlon Sneek.

“Fraccion di AVP diabierna a  dicidi di dirigi dos carta un na Prome Minister Wever Croes, relaciona cu e carta cu WEB Aruba NV a dirigi na gobieno y Utilities NV relaciona cu aumento di prijs di awa y coriente cu ta un necesidad urgente pa e compania.

Sinembargo kico nos por scucha como reaccion di Prome Minister durante di su conferencia di prensa, ta cu e no tabata na altura di e carta, cu e lo bay pone su mes na altura di esaki  mientras cu e asunto di energira ta cay bou responsabilidad di su persona.

Pero si nos por a mira cu Premier a papia riba enseñansa cu no ta su cartera pero riba un punto asina importante manera contenido di e carta di WEB Aruba NV pa aumento di prijs di awa y coriente, prome minister ta pretende cu e no sa di esaki.

Ora cu nos scucha e prome minister papia di e forma aki, e ta comproba atrobe cu Aruba tin un gobierno cu no tin solucion pa nada na interes di pueblo y tur promesa durante di campaña cu su gobierno ta bay ta transparente, no ta worde practica.

Fraccion di AVP a dirigi un carta na su persona den cual nos ta exigi pa nos haya copia di e carta di WEB riba su situacion y cu e peticion pa aumento di prijs di awa y coriente, pa asina nos informa pueblo kico ta pasando.

Na nomber di nos fraccion nos a manda pidi copia di e carta cu WEB Aruba NV a dirigi na Utilities NV y na Prome Minister Wever Croes kende ta responsabel pa e compania di awa y electricidad, pa asina nos informa pueblo den un forma  habri y cu tur sinceridad, e situacion serio cu tin na e momentonan aki na e planta di awa.y electricidad

Nos ta kere cu no tin espacio pa minister presidente hunga rol aworaki cu un asunto asina serio y parlamento mester haya informacion riba contenido di e carta aki, pa asina nos informa pueblo di kico ta na caminda, loke pa algun siman caba ya tabata conoci cu e lo bay pasa.

Prome minister mes a bay prensa siman pasa sigurando cu lo no bay tin aumento di prijs di awa y coriente, cosnan cu el a priminti pueblo durante di campaña cu e prijs di awa y corienteo lo bay baha pero awor un siman despues ta surgi un carta di gerencia di WEB solicitando pa un aumento di prijs di awa y coriente.

Ya caba algun siman pasa pueblo por a scucha declaracion di director di WEB informando cu e compania riba ordo di gobierno actual no ta ser permiti pa ‘hedge’ y el a mustra cu door di e decision aki, prijs di awa y coriente lo tin cu subi de lo contrario e compania lo confronta problemanan finaniero hopi serio.

Awor prome minister y su gobierno ta hunga pa santo, kier pretende di no sa di kico ta pasando y no kier admiti cu pa falta di vision, pa tanto incapacidad, pueblo ta esun cu ta worde perhudica pa decisionnan ad hoc, decisionnan sin pia ni cabes y despues e mesun prome minister kier hunga wega di ‘yo no fui.’

Ta partido di prome minister a priminti y sigura pueblo cu MEP lo percura pa reduccion di prijs di awa y coriente y tur loke e tin cu bay haci, ta cumpli cu pueblo, duna pueblo loke su partido a priminti y no trata di bolter un situacion cu su gobierno mes a causa.

Aki tambe ta sinta e problema mayor pa prome minister ya cu desde cu su gobierno a sinta, ni un solo promesa a worde cumpli, al contrario na luga di promesanan bunita, pueblo a ricibi golpi tras di golpi for di e gobierno aki y caminda tin tur indicacion cu e situacion lo bay bira ainda mas delicado pa pueblo,” Parlamentario Marlon Sneek a mustra.

 

- Advertisement -

DUNA COMENTARIO

Please enter your comment!
Please enter your name here