Home Parlamento Parlamernario Benny Sevinger ta cuestiona mocion di un Parlamentario pa no mishi...

Parlamernario Benny Sevinger ta cuestiona mocion di un Parlamentario pa no mishi cu tereno dilanti cas

98
0
SHARE
- Advertisement -

ORANJESTAD (AAN): Siman pasa Parlamento a trata e presupuestonan di DOW y esun di TPEF caminda por a saca e conclusion un biaha mas, cu e gobierno actual, no tin ni un idea kico nan ta haciendo, segun Parlamentario pa fraccion di AVP sr Benny Sevinger a mustra.

Nan no tin idea con pa goberna e pais, el a sigui mustra  y esaki a bolbe Sali na cla un biaha mas durante di tratamento di e presupuestonan menciona.

“Durante cu nos partido AVP tabata ocho aña di oposicion, nos a haci diferente estudio riba nos infrastructura caminda nos a señala cu ta imposibel pa durante ocho aña di gobernacion di MEP, no a haci inversion den nos infrastructura.

Nos a mira un ‘gap’ grandi entre e desaroyo di cinco strea di e sector hotelero y barionan rond Aruba deterioria, unda schoolnan caminda dak tabata basha abou, un centro di ciudad caminda adictonan tabata tuma over, San Nicolas no ta di papia mes, bario caminda hendenan no por sali for di nan cura di cas ya cu nan ta cay den santo y otro cosnan mas. Un deterioro tur caminda di nos isla.

Ora cu pone henter e deterioro aki, si pone un prijs na dje, e ora bo ta puntra bo mes, esaki ta e herencia cu  nos a haya di MEP y nos ta papiando di miyones cu bo a laga na debe, pa motibo cu e deterioro aki ta un debe e ta.

Ta mescos cu un persona herede un cas di su tata, anto e dak di e cas ta na werki y casi cay den otro, sin cura, sin porta anto bo ta puntra bo mes si bo a herede un asset of bo a hereda un debe.

Nos a herede un debe for di gobierno di MEP ya cu nos mester a bay drecha e caso cu ta e producto Aruba, pero nos tabatin un plan cu nos a cuminsa traha ariba desde cu nos tabata den oposicion.

Ora cu nos a drenta den gobierno, prome cos cu nos a haci ta pa wak si e gobierno di MEP lo tabatin algun cu nos lo por a sigui riba cune, lamentablemente nos no a haya nada, ni ideanan corda plan y nos mester a tuma nos plannan cu nos a formula den oposicion, sinta cu expertonan local, cu tur departamento,  cu expertonan internacional dio Merca, di Hulanda, di tur parti di munto, pa nos por a traha un masterplan pa pais Aruba.

Esey ta e masterplan cu nos a ehecuta durante ocho aña caminda tur minister di tanto Gabinete Mike Eman I como Mike Eman II, tabat sa con nos tin cu cana, kico ta e plan, unda  nos ta bay pa na final nos lo tin un Aruba diferente, un Aruba na un nivel halto,  cu por competi c’un producto, un infrastructura cu cual nos por competi den e region aki.

Mi por a tuma nota durante tratamento di presupuesto di DOW y TPEF, cu dos minister, Dangui Oduber y Otmar Oduber, no tin ningun idea kico nan ta bay haci of kico nan ta haciendo.

Un simpel ehempel ta di un miembro di parlamento cu ta trece interesnan personal dilanti manera kico e lo por haya di presupuesto di TPEF y kico e por haya personalmente for di DOW pa su bario cu e ta biba den of pa su famia  pa  e por haya un tiki asfalt dilanti of patras di su cas.

Un parlamentario ta entrega un mocion riba e proyecto di Malmok cu ta e ultimo fase pa loke ta e Linearpark of boardwalk manera nan a cambia e nomber.

Esaki lo bira e ultimo parti di e masterplan di linearpark cu nos a hinca den otro y na mes momento nos a tene na consideracion varios aspecto di interes general manera siguridad, deterioro di e beachnan, e hendnan cu ta biba den e bario aki y e usuarionan di e proyecto aki.

Den e plan aki cada tres luna a manda carta pa habitantenan den e sector di Malmok bisando  cu esaki ta tereno di gobierno y ora cu inicia cu e ultimo fase di e proyecto, lo bay over na elimina tur loke ciudadanonan a pone riba tereno di gobierno.

E plan a worde hinca den otro cu mester duna atencion na crea un extra beach den e bario aki pa uso general loke a pone cu mester a pusha e caminda y e  proyecto mas pariba.

Sinembargo un miembro di Parlmentario a entrega un mocion den cual e ta bisa gobierno cu e caretera lo no worde cambia, no por mishi cu ningun mata cu el a planta escogiendo su interes personal riba interes general.

Ora cu e minister di TPEF a bin na turno e ta bisa cu lo no cambia nada y ya el a duna un primo di dje e trabao di traha un plan pa pone asfalt riba e parti di beach cu tin na e momentonan aki, sin tuma na consideracion interes general di e pais.

Pues apesar cu e parlamentario aki a pone cosnan di adorno riba tereno di gobierno, tereno di pueblo, awor pa medio di un mocion no kier pa gobierno mishi cu esaki,” Parlamentario Benny Sevinger a mustra.

 

- Advertisement -

DUNA COMENTARIO

Please enter your comment!
Please enter your name here