Home Cultura Paseo Herencia cu evento pa honra Edgar Connor y musica di steelpan

Paseo Herencia cu evento pa honra Edgar Connor y musica di steelpan

97
0
SHARE
- Advertisement -

Honor to Connor

ORANJESTAD (AAN): Diahuebs atardi durante un evento special na Wet Bar den Paseo Herencia, na un forma special a anuncia un actividad cu lo bay tuma lugar aki algun dia, na honor di Edgar Connor.

Edgar Connor ta wordo considera e pionero di musica steelpan na Aruba.  E ta alavez un master Steelpan builder, y ta fundador di Aruba Invaders Steel Orchestra.

E evento lo ta na Paseo Herencia mes riba Diasabra 18 di Augustus 2018.

Paula Engelen ta PR Event Coordinator Planner di SweetPanMusic Productions, hunto cu Nico Connor, Abigail Croes, Stan Dabian, y Lee Connor a suminstra informacion di e evento cu nan ta bay yama “Honor To Connor”.

Amphitheatre Edgar Connor ta e escenario principal di Paseo Herencia, y aki ta unda e evento lo tuma lugar tambe.

Nico Connor a mustra cu esaki ta bira e di dos evento di Honor to Connor cu a traha riba dje.  E nificacion di Edgar Connor den historia cultural di Aruba, y tambe Carnaval ta importante.  Aruba su Carnaval a cuminza cu Steelband, y ainda e musica di steelpan tey.

Abigail Croes di Paseo Herencia a mustra cu nan ta gradici famia Connor pa organiza e evento aki, cu lo ta di 7:00 pm te cu 9:00 pm riba Diasabra 18 di Augustus.  E ta algo pa pueblo experiencia algo special y unico cu ta mantene cultura y historia di Aruba bibo.

Stan Dabian a mustra cu esaki ta un bunita iniciativa, ora cu e rumannan Nico Connor y Lee Connor ta sigui cu e legado di nan tata, esta James Edgar Connor  y Departamento di Cultura ta kere den e proyecto aki, y ta importante pa stimula evento asina pa percura pa musica di steelpan no ta muri.  Y otro aña ta celebrando Carnaval 65 na Aruba, y esey lo ta bunita pa musica aki keda bibo.  Tin intencion ta pa sigui stimula hobennan pa toca steelpan.

- Advertisement -

DUNA COMENTARIO

Please enter your comment!
Please enter your name here