Home Comentario PDVSA no por dicidi pa futuro CITGO

PDVSA no por dicidi pa futuro CITGO

83
0
SHARE
- Advertisement -

Companianan Canades y Ruso tin e propiedad na cadena 

PDVSA tabata sa di e sentencia cu el a apela Diabierna

ORANJESTAD (AAN)- Ni Citgo ni PDVSA tabatin autoridad pa den e situacion actual, priminti Gobierno di Aruba cu e proyecto Citgo Aruba ta haya continuacion.  Durante fin di siman un bataya legal internacional a explota.

Publicacionnan internacional ta papia di e posibel plannan di Rosneft y Crystallex pa e futuro di Citgo. Debenan di PDVSA a pone futuro di Citgo den nan man. Nan por hasta bende nan parti pa haya e placa cu debe nan. Pregunta ta surgi pakico PDVSA y Citgo no a informa Gobierno cu nan ta apela e sentencia di Crystallex, cu a haya derecho pa confisca mayoria di Citgo.

A base di informacionnan urgente di industria petrolero internacional involucrando e proyecto Citgo na Aruba, DIARIO a realisa investigacionnan e ultimo dianan y tabata den contacto directo cu fuentenan experto pa por a informa Aruba na forma debido.

Siman pasa Gobierno a ricibi un delegacion di Citgo y PDVSA, cu a mustra cu e proyecto lo continua.  Lo cuminsa cu ehecucion di fase 2 proximamente. Dentro di un luna Gobierno di Aruba lo ricibi un garantia di continuacion di e proyecto, manera e delegacion a participa.

“Citgo y PDVSA a bisa Gobierno cu si Citgo ta confisca y borg, nan no por papia di futuro di Citgo?  Di un banda Citgo y Venezuela a papia cu Gobierno di siguransa pa futuro di PDVSA pa Diabierna apela e sentencia cu ta pone mayoria di Citgo na cadena?”

Segun expertonan legal, e garantianan cu Aruba ricibi no tin validez y e apelacion a mustra cu Citgo y PDVSA ta reconoce cu e sentencia ta existi, pasobra nan a apela.

CITGO NO TA PROPIEDAD LIBER

Publicacionnan internacional riba tereno economico, financiero y petrolero a dedica atencion riba prome plan na desaroyonan di Citgo.

Diabierna Venezuela a apela e sentencia di Hues na Merca despues cu e compania Canades Crystallex por a confisca 51.1 porciento di accionnan di Citgo pa asina sigura cu Venezuela lo paga su debe.

Manera ya DIARIO a relata, e compania estatal Ruso ya tin 49.9 porciento di e accionnan di Citgo como borg.

Esaki ta nifica cu na momento cu ehecuta e sentencia di Hues, e compania Canades por dicidi cu e ta uza e parti mas grandi di e propiedad Citgo pa pago di su debe. E por bende e accionnan pa haya e placa cu e mester ricibi.

E compania di estado Ruso, Rosneft, te awor tabata tin un posicion sumamente fuerte cu su borg di 49.9 porciento den accionnan di Citgo na Merca. Aparentemente e kier busca un forma pa e compania Canades bende e parti mayoritario di Citgo.

PDVSA A REPRESENTA ROSNEFT Y CRYSTALLEX? 

E situacion cu ta presenta su mes awor ta serio.  “Ora mundo papia di e aventura di PDVSA, e ta papia di accionnan inaceptabel cu ta deshaci di balor di e acuerdonan. Ta papia aki di un promesa falso,” ta informacion cu DIARIO a ricibi.

Tin pregunta grandi pakico e delegacion di Citgo y PDVSA no a bisa Aruba e berdad. Na e momentonan aki Citgo ni PDVSA por dicidi kico Rosneft y Crystallex ta dicidi riba e futuro di e refineria di Aruba.

Ta cuestionabel cu PDVSA y Citgo a reuni cu Gobierno di Aruba na momento cu Venezuela a apela cerca Corte Federal na Merca, e decision di Hues cu Crystallex por confisca e parti mayoritario di Citgo.

PDVSA y Citgo a discuti cu Rosneft y Crystallex kico nan opinion ta riba e posibilidad pa desaroya e proyecto pa e refineria na Aruba contra un costo enorme?  E dos companianan y sigur Crystallex cu tin e parti mas grandi na momento cu ehecuta e orden pa confisca, ta di acuerdo pa sigui cu e plannan pa sigui cu Citgo Aruba?

Informacion ta indica cu tur instancia cu a adverti pa ta cauteloso cu e proyecto di Citgo, ta haya rason.

E pregunta grandi ta kico PDVSA lo presenta Gobierno otro luna si no ta conoci kico ta bay pasa cu Citgo na Merca.

DIARIO lo sigui informa.

- Advertisement -

DUNA COMENTARIO

Please enter your comment!
Please enter your name here