ORANJESTAD (AAN): Diadomingo anochi net algo prome cu 10’or a sosode un accidente hopi serio na Pos Chikito. Net dilanti di Irian Restaurant pabou di Ex DTI e accidente a
sosode.
E homber peaton a bay cruza caya y na dado momento e Hyundai Accent
color blanco bayendo direccion pariba a dal’e. E peaton a hasta dal den windshield. Djey el a cay dilanti di e auto.
E chauffeur femenino tabata den shock. Personal di ambulance a check e victima y no por a haci nada pe. Djey a atende cu e señora chauffeur tambe. A cuminsa un investigacion grandi na e sitio.
E accidente a pasa riba e caminda paden. E impacto tabata fuerte. Na e sitio a presenta specialista di trafico, BFTO y slachtofferhulp. Fiscal a laga tuma e curpa di e victima den beslag. E auto tambe a wordo tuma den beslag pa mas investigacion.
Ambulance a bay cu e dama chauffeur di e auto hospital pe haya tratamento medico mirando cu e la keda den shock. Na e sitio mes a haci test di alcohol na e chofer y esaki a resulta negativo pa alcohol. E caso ta bao investigacion.
Pa 22:50 Dr Texiere ta constata morto di Luis Carlos Neblies naci 30-7-1964 na Colombia.
