Home Gobierno Personal di Warda Nos Costa a pidi Trudy  Hassel pa nan reuni...

Personal di Warda Nos Costa a pidi Trudy  Hassel pa nan reuni cu minister di husticia

49
0
SHARE
- Advertisement -

E reunion a bay den bon esfera:

ORANJESTAD (AAN) – Comisario Trudy Hassel, Hefe di Warda Nos Costa, riba peticion di e personal di WNC el a acerca Minister di Husticia, mr. Andin Bikker pa e reuni cu nan, lo cual mesora e mandatario a acepta.

E reunion a cuminza pa 1’ or di atardi y finaliza despues di 4’or di atardi. Den conferencia di prensa sra. Hassel a haci un resumen di locual a sosode den e reunion.

E personal di WNC a haci varios pregunta na e minister pa nan haya informacion y trece dilanti nan preocupacion riba diferente asunto. Sra. Hassel a bisa cu e intercambio aki a bay hopi bon y e empleadonan a keda satisfecho cu e contestanan di e minister.

Durante e encuentro aki e union entre e personal a resalta, y esaki ta hopi importante como Management Team cu esaki tuma lugar.

E dama a conclui cu esaki ta un reunion pa habri caminda pa no solamente Warda Nos Costa, pero Imigracion y IASA tambe hunto y uni haci e trabao manera ley ta prescribi.

El a reitera cu e reunion a bay bon, den bon esfera y tin cierto asuntonan cu mester mehora ainda y cu lo haya su debido atencion.

Sra. Hassel a bisa cu Warda Nos Costa ta un grupo di persona cu a haci nan opleiding pa por eherce nan trabao, locual hopi hende no sa, pero nan ta califica pa e trabao cu nan ta haci.

El a agrega cu awor Warda Nos Costa ta den un era nobo unda hunto y den union ta bay subi caya cu un meta na bienestar di Aruba. P’esey WNC a wordo lanta na 2002 y aworaki lo sigui cu e trabao mas contento y mas fuerte cu nunca.

Sra. Hassel a indica cu WNC ta un complemento pa e minister pasobra DIMAS ta hopi ocupa cu varios otro cos. E trabao cu WNC ta haci ora nan ta drenta den e companianan pa controla trahadornan ilegal esaki ta un “papier work” mas pa asina por traha e boet y haci e trabao.

El a menciona cu naturalmente, e minister mester wak mas deep den dje pasobra na tur momento e obhetividad di dunamento di boet mester keda prevalece. Un hende tin semper derecho, conforme ley, pa ora un boet wordo duna na dje, pa den cierto termino entrega su obhecion pa e sigui e caminda na un forma obhetivo. E ta sigur cu Minister ta para pa esaki tambe.

 

- Advertisement -

DUNA COMENTARIO

Please enter your comment!
Please enter your name here