Home General Piscadornan di Aruba no kier pa ley di Parke Marino wordo trata...

Piscadornan di Aruba no kier pa ley di Parke Marino wordo trata como “top secret”

18
0
SHARE
- Advertisement -

ORANJESTAD(AAN): Un Parke Marino ta bay bin! Pa haya tur informacion, na Piedra Plat den sala di reunion, no tabatin lugar mas pa pone hende cu a bay scucha tur detaye.

Si tur piscado a acudi, lo no tabata tin caminda pa pone mas hende, na opinion di Byron Boekhoudt.  E ta maneha Centro di Pesca Hadicurari y tambe representante di e seccion di pesca di Santa Rosa.

El a worde pidi pa ta den un situacion di moderador pa guia e reunion y tambe pa haya mas informacion pa hiba pa minister Chris Romero, kende no por tabata presente.

Y mey-mey di piscadornan, por a sinti hopi rabia, desapunto, hopi indignacion cu un biaha mas leynan ta worde pasa sin cu tin informacion adecuado, ni debido. Nan no sa kico ta e detayenan y ta worde bisa hopi cos y despues nan ta haya leynan pusha den nan stoma.

Pa hopi aña caba, nan ta sinti cu nan ta bayendo atras. Prome a bin ley di Turtuga, a bin ley di Calco, despues ley di Spearfishing. Tur esaki sin tene cuenta cu nan situacion, y ta impone ley djis pasobra tin un tratado internacional of pasobra cu tin hende cu kier proteha.

E piscadornan sa di lama, ta parti di nan cultura y tradicion y cada biaha nan ta perdiendo mas tereno. Nan ta mira cu gobernantenan, gobiernonan no ta scucha nan, no ta tene nan na cuenta y ta sinti’e cada biaha ora cu yama reunionnan asina, tin e frustracionnan aki ta bin dilanti, unda cu ta pidi pa haci e cosnan aki na e forma debido. Esey cada biaha no ta pasa.

Aworaki e piscadornan a reuni y despues di dos simannan ta haya tende via prensa cu tin un concepto cla na raad van Advies y nan no a mire. Nan no sa kico tin. A pidi’e. Si no tin nada di sconde, ta algo pa transparencia pa mustra un y tur kico ta pasando.

Contesta:

Minister Oduber tabata presente y a duna su banda di medaya. E no a bisa e piscadonan cu tin algo cla. Si tabata tin algo cla, ta mas cu husto pa mustra di biaha. A worde bisa cu no tin nada, cu awo ta bay scucha nan. Y pa e piscadonan scucha via prensa cu tin algo na Raad van Advies caba.

Esaki a trece heridanan dilanti unda cu a pasa e ley di prohibicion contra cierto especienan di pisca, cual a cay manera un fastball. Pa e motibo ey ta colectando firma pa protesta contra esaki y pa pidi tanto prome minister, como gobernador, pa wanta esakinan prome cu nan asina leu cu e ley pasa y cu por afecta negativamente.

Por a sinti den sala cu tin un inclaridad inmenso. No sa kico ta bay pasa y ta trece mas inseguridad y mas inkietud. Den tanto cos cu tin pa drecha cu nan ta mira rond, y e Piscadornan ta asombra cu di con net esey e gobernantenan kier start cune.

Den un reunion a puntra di con cu no a bin cu mas proyecto pa mehora e situacion di pesca. Bin cu artificial reefs, bin cu fisher tracking devices. Di con hustamente bin cu mas prohibicion contra nan. Esey ta loke e piscadonan ta trece bon cla dilanti, cu nan kier mas informacion. Nan kier worde envolvi mas y nan kier respet pa worde tuma na serio. E ta un tradicion, ta nan forma di biba, ta nan entrada.

Na Aruba no tin pesca comercial grandi cu ta caba cu tur bida marino. Ta pesca artesanal, pero ta pesca pa sobrevivi, cu loke nan tin eynan ta lora man.

Reunionnan lo continua cu e mandatarionan di tanto sector primario y tambe di medioambiente, pa sa mas y tambe pa haya mas informacion.

- Advertisement -

DUNA COMENTARIO

Please enter your comment!
Please enter your name here