Home Social Playa Linda ta celebra 35 aña cu reconocimento na su empleadonan

Playa Linda ta celebra 35 aña cu reconocimento na su empleadonan

42
0
SHARE
- Advertisement -

ORANJESTAD (AAN) – E celebracion anual di mita’i aña entre empleadonan di Playa Linda Beach Resort tabata un acontecimento tur afo e aña aki na momento cu e resort ta yegando su di 35 aniversario, y cu hopi empleado marcando nan largo historia cu e popular timeshare. E fiesta di cena bailabel, cu a hiba como tema “elegancia rustico cu un toke di coral”, recientemente a tuma lugar den e ambiente pintoresco di Tierra del Sol y cu e popular banda di momento Tsunami poniendo mas ambiente durante di e anochi.

Brindis na honor di tur empleado a keda guia pa Gerente General Peter van Grinsven y Director di  Operacion Sulaika Kelly, cu remarkenan special ofreci door di Executive Housekeeper Ingrid Todd, kende tambe a marca su di 35 aniversario cu e resort e aña aki. Contribucion di e resort su empleadonan semper tabata esencial pa e exito di Playa Linda pa loke ta trata miembro y huespednan cu regularmente ta comenta riba e nivel halto di cuido di cliente y servicio cu nan ta haña na e resort, varios biaha citando empleadonan particular cu nomber, hunto cu nan comentarionan general sobre di e bunitesa y ubicacion central di e resort di Palm Beach.

Playa Linda ta orguyoso di su profesionalnan di hospitalidad, y ta especialmente gradecido na empleadonan cu henter nan carera a keda dedica na e resort. Playa Linda ta briya cu numeroso empleado cu mas cu 20 aña, como tambe varios empleado cu ta cu e resort pa mas di 30 aña. Entre esakinan ta resalta Alvero Gonzalez tin 32 aña, Pearl Baptiste tin 31 aña, Marlyn Tromp, 30 aña y Adela Orman, tambe 30 aña. Durante di e celebracion, e contribucion di e resort su generacion nobo di profesionalnan di hospitalidad tambe a haña debido atencion. Mientras cu a expresa elogio pa tur empleado, un premio pa excelencia a keda presenta na Rousanne de Wever kende, aunke hoben, a demostra aporte resaltante y un dedicacion sin igual na Recurso Humano.

E celebracion di mita’i aña ta un tradicion den e programa anual di evento pa 16 aña caba, hunto cu Fiest’i fin’i aña, unda cu Playa Linda ta celebra su empleadonan excepcional door di provee un danki na mitar di aña pa nan esfuersonan di henter aña largo.

Hospitalidad semper tabata un seyo di calidad na Playa Linda, y e dedicacion continuo na e norma halto tabata particularmene demostra e aña aki, ora cu e resort a logra su promesa di experiencianan inolvidable di vacacion hasta durante di periodo di renovacion recien, unda a upgrade e lobby completamente y su suitenan awor ta den proceso di transformacion pa mehora ainda mas e resort su carisma unico.

 

- Advertisement -

DUNA COMENTARIO

Please enter your comment!
Please enter your name here