Home General Podium organiza pa Comision CASA pa stop abuso domestico e sosten tabata...

Podium organiza pa Comision CASA pa stop abuso domestico e sosten tabata poco

31
0
SHARE
- Advertisement -

Apesar cu tabata tin un Plataforma:

ORANJESTAD (AAN) – Diahuebs atardi, manera ta conoci, Comision CASA, hunto cu Fundacion Hende Muher den Dificultad, a organiza un podium na Wilhelmina Park, unda cu e banner “Stop Abuso” a wordo ubica.

Por corda cu e movecion aki a surgi relaciona cu e dama cu a muri como consecuencia di abuso domestico door di su compañero y un par di dia despues tabata tin como tres caso mas tras di otro unda hende muher a wordo mal bati pa nan pareha.

E podium no tabata un fiesta, pero si un evento pa recauda fondo pa FHMD, pa nan sigui realiza nan bon trabao pa yuda victimanan di abuso, principalmente hende muher cu mas tanto ta wordo agredi como consecuencia di abuso domestico.

Sra. Sussy Kock, Presidente di FHMD, den un declaracion pa Matutino DIARIO a indica cu e fundacion ta sostene Comision CASA pasobra nan ta tuma accion.

Sra. Kock a menciona cu hopi biaha tin potret di maltrato ta wordo poni den corant y comentarionan fuerte ta wordo haci riba facebook, y hopi hende ta pone “like” pero esey no ta yuda.

Accion ta ora un hende homber a dicidi pa lanta e Comision aki, pasobra e ta haya cu ta inaceptable cu aki na Aruba, un pais chikito unda antes no tabata biba cu porta hancho habri, no por haci esaki mas, entre otro pasobra tin abuso den nos mesun seno familiar, y esaki FHMD ta aplaudi y pesey e tabata presente pa duna sosten.

No obstante, compara cu e reaccionnan cu por mira riba facebook cu ta hopi, durante e evento no tabata tin un sosten masal.

Sr. Marinus Wegeref, cu a lanta e comision a pone un Plataforma pa demostra cu nos comunidad no ta acepta e sucesonan di maltrato. Sra. Kock a expresa cu dia e noticia di e asesinato di e dos criaturanan a bin afo, tur hende tabata puntra “di con”? Awor un señora a fayece pa mesun asunto di maltrato, tur hende a reacciona, pero ora cu a pone un Plataforma pa bin demostra cu bo no kier e cosnan aki ripiti, bo no kier’e den bo cas, den bo pais, bo no ta haci acto di presencia.

Finalmente e dama a subraya cu FHMD tey pa brinda ayudo tanto na e victima di abuso como na e agresor, si esaki admiti cu e tin e problema y e kier ayudo pa stop. Tin cambio cu a tuma lugar caba, segun sra. Sussy Kock.

 

 

- Advertisement -

DUNA COMENTARIO

Please enter your comment!
Please enter your name here