Home General Podium-Plataforma pa stop Abuso Domestico a tuma lugar Diahuebs

Podium-Plataforma pa stop Abuso Domestico a tuma lugar Diahuebs

8
0
SHARE
- Advertisement -

ORANJESTAD (AAN) – Diahuebs 30 di Augustus, a tuma lugar e podium organiza pa Comision CASA (Comision contra Abuso Domestico), lidera pa sr. Marinus Wegeref, den colaboracion cu Fundacion Hende Muher den Dificultad.

E accion aki tin e meta di concientiza comunidad riba e situacion di abuso domestico na Aruba y bisa “basta!” y cu nos tur mester traha pa percura pa stop cu abuso domestico.

E Comision a lanta despues di e casonan tristo unda prome cu fin di aña pasa dos ruman chikito a muri victima di e violencia di nan padrastro y recientemente un dama cu su compañero a batie cu consecuencia fatal, y el a fayece na Hospital lagando atras su yiunan tambe.

Poco dia despues tabata tin noticia di suceso un tras otro di maltrato contra hende muher atrobe, den man di nan partner.

Den e evento aki a recauda fondo pa FHMD cu ta esun cu ta brinda sosten na victima y agresor si e mes ta reconoce y pidi ayudo, y cu tin mas di 20 aña haciendo un tremendo trabao.

A conta aki cu presencia di Prome Minister sra. Evelyn Wever-Croes, Minister Glenbert Croes, titular di Asuntonan Social, Presidente di Parlamento sr. Thijsen, y un publico no hopi numeroso cu si un segmento di nos comunidad cu ta apoya e causa y cu a haci uso di e plataforma aki.

Por observa algun potret di e evento aki pa stop Abuso Domestico den nos pais!

- Advertisement -

DUNA COMENTARIO

Please enter your comment!
Please enter your name here