Home Policial Polis ta sigui duna multa na chauffeurnan cu no ta usa signal...

Polis ta sigui duna multa na chauffeurnan cu no ta usa signal light ora di sali di rotonde

116
0
SHARE
- Advertisement -

ORANJESTAD(AAN): Recientemente un ciudadano a bisa:  Si Polis di Aruba duna multa na tur chauffeur cu NO ta pone signal light na Rotonde, anto caha di placa di Aruba lo ta asina yen, te hasta tur debe di Gobierno lo wordo paga.

Un asunto cu ta cunsumi hopi automobilista pero tambe Polisnan ta e falta di uza di señal den trafico. E uso di señal ta permiti un miho fluho di trafico, principalmente riba rotonde.

Den un entrevista cu Alex Pieters, di unidad Motoriza di Polis, el a bisa cu e problema aki ta grandi riba rotonde.

Pieters a splica cu no tin un ley specifico cu ta bisa con pa uza signal light riba rotonde.  Sinembargo ley ta bisa claramente si cu cada biaha cu e chauffeur ta bay haci un cambio di direccion bo tin cu sortea na tempo y duna señal na otro usuarionan di caretera cu bo ta bay haci un cambio di direccion.

Pa esaki bo mester pone bo signal light pa mustra cual ta e direccion cu bo ta bay tuma. “Pa ley pa cada cambio di direccion bo mester uza bo signal light y esaki ta conta riba rotonde tambe”.

E discusion ta cu ley ta bisa adelanta bo tin cu duna e indicacion aki pero, segun Pieters ta splica, riba un rotonde esaki ta un poco fastioso pasobra e distancia ta hopi cortico pa pone e signal light y hopi hende ta subi rotonde cu velocidad halto.

Si bo baha velocidad, bo tin suficiente tempo pa pone bo luz si bo ta bay scoge e prome salida.

Pieters a bisa cu ta importante pa mantene e regla y a constata cu tin biaha cu di cada 10 auto, solamente 1 auto ta usa signal light. E sorteamento y signlight ta permiti otro chauffeurnan haci un miho uso di caretera y e trafico ta bira menos peligroso.

Pieters a bisa cu no ta importa na unda pero djis pone den cabes cu semper cu ta bay cambia di direccion, uza e signal light, di e forma aki ta evita accidente pero tambe un boet. “Unda cu bo ta cu bo yega, haci uso di bo señal pa e otro trafico haya sa kico bo ta bay haci.”

E ta di acuerdo pa den forma continuo haci propaganda pa conscientisa e hendenan riba e reglanan cu ta importante den e tur e infrastructuranan nobo cu Aruba a conoce ultimo añanan y cu kisas e leynan cu mester di nan awor no a worde uza hopi den pasado.

 

- Advertisement -

DUNA COMENTARIO

Please enter your comment!
Please enter your name here