Home Salud Por guia esnan cu ta activo, pero no lo stop nan di...

Por guia esnan cu ta activo, pero no lo stop nan di tene relacion sexual

27
0
SHARE
- Advertisement -

ORANJESTAD(AAN): — Sharline Koolman a splica cu ta bay bek na e educacion di e mucha via scol of grupo den bario cu ta atende cu mucha y hobennan. Via e gruponan ey por bay riba cambio di comportacion. Pero un hende cu ta activamente cu acto sexual caba, e no ta bay cambia su estilo asina facil mas.

Esey ta prueba caba cu no cu no ta haci nada mas pa nan. Bo ta keda guia esnan activo, pero nan lo no stop di tene relacion sexual. Nan ta bin cu malesa cerca bo. E tendencia ta cu e persona ta presenta den un of dos aña cu otro malesa pa motibo di malcomportacion den e acto sexual. E cambio eynan no ta sosode, e persona sa.

Cerca hende homber ta haya tambe tur nivel di educacion. Un hende cu nivel di educacion mas abao, pero tambe cerca hendenan cu nivel di educacion mas halto tambe. E ta aparece den tur nivel.

Tambe edad ta hunga un rol. Antes ta wak’e mas den hoben. Awor aki bo ta haya trankilmente un hende riba 60 of 65 aña cu HIV. 65 aña no ta wordo considera un persona grandi mas, nan ta hopi activo. Hendenan ta biba te cu 80 of 90 aña bon di salud. Nan ta cana, nan ta haci tur cos.

E actividad sexual tambe ta move. Nan ta keda haci’e. Si un di nan, nan pareha fayece, nan ta busca porta un otro compañe. Pero e otro compañe bo no sa kico e tin of laga di tin. Pesey bo no ta hay’e den e edad hoben so, pero edad mas grandi tambe, segun Koolman.

Facilidad pa dialoga

Finalmente Sharline Koolman a splica cu un hende mas hoben por papia cune mas tanto cu ta posibel. Esun cu ta bezig caba y tin su pareha, esnan cu tin mas pareha ta haya problema. Bo por tin un pareha y ta resulta cu un di nan no ta fiel. E por faya un biaha y ta bolbe cas cu e malesa. El a pega su pareha. E pareha ta haya sa. Ey tin pleitamento, rabiamento, y un ta reta otro cu e lo haci e otro infiel tambe.

E tipo di comportacion ey tambe ta un problema. Keda fiel na bo pareha den e sentido cu si bo tene relacion sexual pafo fuera di bo pareha, haci uzo di condom. Condom ta relativamente barata. Na DBZ tambe por haya esaki por nada.

Haci uzo di esey si acaso bo no ta fiel, bo no ta keda den e matrimonio so, pero ta tene relacion sexual pafo. Apart di bo pareha, si e pareha sali na estado, si ta pareha hoben, bo ta hinca un baby cu problema caba. Pa HIV ta problema y tambe sifilis.

Muchanan cu nace for di un mayor cu sifilis, por haya varios problema medico manera bista, cual eigenlijk ta innecesario. Esaki por wordo controla. Pero e mama mes tene relacion sexual of e pareha tin’e y bin tene relacion sexual cu e persona na estado, por causa problema pa e baby.

Ta cosnan cu ta kom voor. No ta storia cu ta conta p’afo di Aruba, sino ta storianan cu ta pasa na Aruba. E ta bao di hobennan cu a yega di haya caba, cas cuater geval tras di otro. Esey no kiermen cu bao di hoben so e ta sosode, sino cerca tur esnan cu sali na estado y bo no cuida bo mes, bo por haya un baby cu problema.

 

- Advertisement -

DUNA COMENTARIO

Please enter your comment!
Please enter your name here