Home General Premier di Curaçao cu reunion basta extenso encuanto e situacion di refugiadonan...

Premier di Curaçao cu reunion basta extenso encuanto e situacion di refugiadonan di Venezuela

30
0
SHARE
- Advertisement -

ORANJESTAD(AAN): Prome minister di Curaçao, den e caso aki, representante di Reino, Eugene Rhuggenaath a atende un reunion basta largo cu representante di UNHCR, Jozef Merkxx, riba e situacion di refugiadonan di Venezuela, cu ta afectando e islanan tambe.

Ta trata aki di migracion di personanan indocumenta, cu pa un motibo economico ta sali for di nan pais, Venezuela, pa Colombia, cu tambe nos por a mira tanto na Aruba, Curaçao y Boneiro. Durante e reunion por a haya un bista di con UNHCR, e comision halto di nacionnan Uni cu ta atende cu refugiado, con nan a traha hunto cu gobierno di Colombia pa atende cu e situacion aki.

Tabata informacionnan balioso. Aruba tambe tin combersacion cu UNHCR riba esaki. Pero ta bon pa tende riba e parti operacional na Colombia, mirando cu pa dia tin 5000 persona cu ta crusa frontera y con nan ta atende cu esaki. Mirando tambe e capacidad tambe cu Colombia tin pa carga cu e situacion y manera cu a bisa na diferente ocasion, cu mester di un esfuerso harmonisa entre paisnan bisiña y pa atende cu esaki, mirando cu esaki a bin ta escalando. A lo menos el a keda consistente manera cu a haya di tende di Colombia tambe.

Ayudo Humanitario:

Aruba a yega di puntra “ken ta paga”. E tipo di combersacionnan aki a bin riba mesa, mescos cu otro temanan. Tambe e parti humanitario, impacto riba e pueblonan di Colombia na frontera. Mescos cu Curaçao, Aruba, ta comunidadnan chikito. Mescos a haya un indicacion di e fluho di imigrante ta impacta e pueblonan chikito di Colombia, e parti di por ehempel laboral, cuido medico, school, etc. y ta importante pa sa cu Colombia mes tampoco no tin solucionnan completo.

Nan tabata tin si un proceso di registracion cu tabata interesante pa scucha con pa atende cu esaki. Pero segun e prome minister, den un combersacion cu e vice presidente electo y cu UNHCR, ta mira un necesidad pa papia cu comunidad internacional riba e parti di desplacement, personanan cu ta sali for di nan pais pa motibonan ecnomico of otro pa bay otro pais of pasa di otro pais pa sigui un otro destino y tambe naturalmente e parti humanitario cu ta keda toch un situacion hopi lamentable cu na Colombia tambe ta mira e consecuencia.

Comprension:

Segun prome minister Rhuggenaath, como pais chikito y ta pesey e maneho tambe te ainda tabata cu Curaçao, sigur no por carga cu gran cantidad di migrante y a bin ta manda nan back nan pais, personanan indocumenta. Si ta asina cu tin gobierno tin maneho of un procedura pa esnan cu kier busca asilo.

For di Juli aña pasa, Gobierno a establece un procedura cu ainda, hunto cu ayudo di Hulanda, ta bezig ta wak con por acelera e proceso ey di peticion te cu evaluacion pa asina ey e persona cu haci e peticion tambe sa ki status e ta bay tin. Gobierno di Curaçao tambe tin un manera pa atende cu e grupo aki. Pero di loke a scucha y e situacion cu tin na Curaçao tambe, considerando cu tin un gran cantidad di persona di Venezuela, tey caba.

Mester tin un acercamento mas integral con pa atende cu e situacion aki, mirando e limitacionnan cu nos tin den nos propio economia y presupuesto naturalmente. Ta algo cu Aruba tambe tin como desafio, pasobra apesar cu di curason y e parti di derecho humano, e parti humanitario, kier duna asistencia, Pero mester provee pa bo propio hendenan tambe. Provee pa siguridad den bo comunidad y e tin un impacto financiero riba presupuesto cu Curaçao en todo caso no por carga. Ta p’esey Curaçao tambe ta boga pa tin un combersacion mas amplio cu comunidad internacional riba esaki.

Awor aki ta papia di Venezuela, pero rond mundo, pa motibonan por ehempel di violencia politico, pero tambe cambio di clima, e ta afecta migracion of loke ta yama displacement caminda cu hendenan ta migra pa bay otro pais.

Dunamento di asilo:

Curaçao no ta duna asilo, prome minister di nos isla ruman a comenta. Curaçao tin un procedura y conforme tratado di derecho humano Europeo, ta cumpli cu e parti di proteccion di un persona cu a pidi asilo y mester wak awor aki con pa tin un proceso acelera pa evalua esaki.

Tin un comision cu ta evalua pa si un persona por bin na remarca, pasa esey pa UNHCR pa por sigui atende cun’e. Pero tin un parti sumamente importante cu a trece dilanti ta nan posicion na Reino Hulandes. Un persona cu ta den proceso naturalmente ta keda den bo pais, ta con largo por carga cu e personanan aki, apesar cu nan tin derecho e ora ey riba proteccion, con largo por carga cun’e.

Eynan mester wak con por papia riba e posibilidadnan pa por realoca nan den otro pais y eventualmente resettlement ora cu nan haya nan status di refugiado of ta haya asilo.

Eynan tambe e cantidad cu Curaçao, Aruba tambe, mescos cu por carga, ta limita, mirando nos economia chikito y fragil, prome minister Rhuggenaath a comenta.

 

- Advertisement -

DUNA COMENTARIO

Please enter your comment!
Please enter your name here