Home General Premier Wever-Croes cu discurso na ocasion di celebracion 30 aniversariodi Organizacion OPPA

Premier Wever-Croes cu discurso na ocasion di celebracion 30 aniversariodi Organizacion OPPA

63
0
SHARE
- Advertisement -

ORANJESTAD (AAN): Diadomingo 26 di Augustus, Premier Evelyn Wever-Croes a celebra cu OPPA su 30 aniversario.

Den su discurso Wever-Croes a felicita OPPA y a gradici pensionadonan pa nan aporte den construi nos pais.

Wever-Croes a elabora riba e retonan cu Gobierno a encontra 9 luna pasa, y con mesora a lora manga y busca solucion. Retonan social, retonan cu pais bisiña Venezuela, y retonan financiero.  Den tur esaki Gobierno ta busca pa pone e ser humano central, e pensionado central. Den vision di Gobierno kier logra miho cuido y respet pa nos grandinan y atencion pa preocupacionnan financiero di pensionadonan.

Entre otro mester atende cu e discusion di Bashi Premie y Gelijkbedrag, y introduci areglonan faborable di belasting pa tur pensionado.

Pa logra esaki premier Wever-Croes kier mas participacion di pensionandonan, cu tur e conocemento y experiencia cu nan tin. Entre otro a nombra un persona den Sociaal Economische Raad especialmente pa atende cu e preocupacionnan di pensionado, pa prome biaha na Aruba.

Gobierno kier institui tambe un “ouderenraad” cu ta un partner di Gobierno den decisionnan cu ta concerni nos pensionadonan. P’asina logra e bienestar y progreso pa tur pensionado y pa henter nos comunidad.

- Advertisement -

DUNA COMENTARIO

Please enter your comment!
Please enter your name here