Home Comercio Presentacion di aparato “1 Touch Response” na MFA Savaneta

Presentacion di aparato “1 Touch Response” na MFA Savaneta

245
0
SHARE
- Advertisement -

ORANJESTAD (AAN) – Jerwin Giel a lanta un compania cu ta ofrece un servicio nobo y hopi util ora tin hende so den cas vooral hende di edad grandi, aunke e ta yuda den diferente circunstancia tambe.

Na MFA Savaneta, Sr. Giel, cu su colega Rahaida Wever, a yama prensa pa haci un presentacion di e producto nobo aki yama “1 Touch Response” cu por scapa bida di hende. Tabata tin publico invita tambe.

Pa cuminza sr. Giel a splica con a bin na e idea aki. Esaki a sosode despues cu su wela, sra. Cornelia Croes-Werleman a cay den su cas y no tabata tin hende hunto cune y a tarda 5 ora benta riba vloer te e momento cu, pa un casualidad, brandweer a pasa dilanti e cas y a mira e señora y dune asistencia.

E dama no por a lanta pasobra e tin problema cu un rudia y el a dal riba e otro rudia. E mision di e pareha aki ta pa yuda nos grandinan den caso di emergencia pa haya asistencia rapido.

Cu e aparato cu ta wordo poni den e nek di e persona, a presenta esun cu mester di ayudo ta primi un boton cu ta bati alarma cerca un otro hende sin cu mester yega na unda e tin un telefon of su celular. Den caso cu un hende haya un dolor cu por ta relaciona cu un atake, e sa cu ora primi e boton tin un hende ta bay tende su yamada.

Den e aparato por registra cinco number riba dje, y un bez cu primi e boton e ta manda mensahe na e cinco numbernan registra, y ta yama esnan concerni di biaha.

Ta trata di un sistema hopi sofistica cu ta manera un telefon den e man di un hende cu e por tin comunicacion direct cu otro persona.

Giel a splica cu e aparato aki ta bon pa hende cu tin Alzheimer pasobra por traha un limite virtual di 50 meter y un bez cu e persona traspasa e limite aki e aparato ta bay on di biaha.

El a splica cu si su wela lo tabata tin e aparato ey bisti dia cu el a cay, mesora un hende lo a reacciona sin cu el a primi e boton pasobra e sistema tin “fall detection” y di su mes e lo a manda e mensahe pa e famianan.

Tambe e famianan por yama na e aparato. E por ricibi yamada di tur hende, of di e cinco numbernan so. E bateria por dura como cinco dia sin cu tin cu recarga.

E no tin pantaya pero ora e bateria ta baha e ta manda tur hende e mensahe cu mester carga e bateria.

Pues, un aparato cu ta trece trankilidad den famia ora nan grandinan ta so den cas. Ademas no ta solamente den caso di salud por bati alarma, pero tambe si tin un sonido straño na cas por tin contacto cu un hende.

Sra. Rahaida Wever a agrega cu e aparato aki tambe ta yuda hendenan cu ta opera y ta keda so den cas, y tambe pa studiantenan cu nan mayor no kier pa nan tin un celular, ora nan ta den cas of riba caya por ta pa subi bus, cualkier problema cu sosode e mucha por yama su mama y nan por comunica y papia cu otro.

E sistema aki por wordo considera un alarma personal cu incluso por ta un producto pa AZV, mirando cu mas largo un hende warda pa ayudo cu su salud mas caro e costonan ta.

 

 

 

- Advertisement -

DUNA COMENTARIO

Please enter your comment!
Please enter your name here