Home Noticia Internacional President di Colombia ta mira regimen di Nicolas Maduro cay den corto...

President di Colombia ta mira regimen di Nicolas Maduro cay den corto tempo

41
0
SHARE
- Advertisement -

ORANJESTAD (AAN) — E mandatario saliente di Colombia, Juan Manuel Santos, a asegura cu e ta mira cu den corto tempo caida di regimen di Nicolas Maduro na Venezuela, a pesar di e “represion efectivo” cu el a eherce riba e poblacion.

“Mi ta mir’e cerca. Un pais cu inflacion cu Venezuela tin – di mas di un miyon porciento, segun Fondo Monetario Internacional—tin cu basha den otro”, e mandatario saliente a laga sa den un entrevista na sede di gobierno.

Na ocho dia di laga poder den man di su opositor, e derechista Ivan Duque, Santos a considera cu lo mehor cu por pasa Venezuela  y Colombia, cu ta comparti 2.200 kilometer di frontera, ta pa Maduro cai, ban spera “di forma pacifico”.

Cu esey no a pasa ainda ta pasobra, segun Santos, gobierno venezolano ta eherce “represion cada vez mas efectivo” loke incluso a spanta hendenan di bin cu protestanan masivo nobo.

“E paradox ta cu; mas tanto e poblacion sufri , mas sensitivo e ta pa wordo reprimi y esey ta locual a mantene e regimen di  Maduro,” el a bisa.

Santos a insisti sinembargo cu “ban spera cu mañan mes gobierno di Maduro yega na su fin” y Colombia ta mas dispuesto y cla pa yuda e pais den tur forma posible.

Den e sentido ey el a recorda cu su gobierno a ofrece Maduro “ayudo humanitario, cuminda o remedi” pa venezolanonan cu “ ta fisicamente muriendo di hamber”.

Pero Maduro ta “den un estado di negacion cu ya ta iracional pasobra e ta bisa no, eynan no tin crisis, cu e no mester di ayudo, pues cu e situacion ey ta masha dificil pa haci algo adicional na e presion pa e regimen ey cambia, ban spera di forma pacifico, mas lihe posibel”, el a añadi.

 

- Advertisement -

DUNA COMENTARIO

Please enter your comment!
Please enter your name here