Home Labor President di sindicato Erik Henriquez kier pa  miembronan di SIWA tin e...

President di sindicato Erik Henriquez kier pa  miembronan di SIWA tin e ultimo palabra

5
0
SHARE
- Advertisement -

ORANJESTAD (AAN): Miembronan di sindicato SIWA tin nan preocupacion riba e situacion na WEB. Esaki ta despues cu un carta a sali pa Utilities NV pidiendo pa tuma cierto pasonan pa aumenta awa y coriente. Esaki no tabata mucho na agrado di e sindicato, unda cu, segun presidente di e sindicato Erik Henriquez, a splica cu nan por duna sugerencia manera semper.

Awor aki e sindicato lo bay tin un reunion general cu su miembronan, unda cu nan lo bay trece tur cos. A base di e opinion di e miembronan, SIWA lo saca su conclusion. No ta Henriquez ta dicidi con nan ta move, sino e miembro ta pone nan move. Tin cu respeta esey.

Den reunion general nan por vocifera kico ta e puntonan valido y lo trece esaki p’adilanti. Asina aki nan por keda move pa bienestar di WEB Aruba NV y asina ta sigui bay.

Awor aki tin un presion extra riba gerencia. Cambio di fuel oil a bira mas caro, como tambe tin e situacion na Barcadera y Gobierno a pidi su dividendo. Henriquez a splica cu ora ta papia di fuel oil, ora cu e prijsnan subi asina aki, ni cu stop di paga empleadonan, si paga nan 0 florin mes, kita tur nan bonus, manera cu hende ta bisa, ta bay den rood toch, manera cu nan ta splica esaki. Esey no lo bay yuda. Pero esey no ta nifica cu ta bay keda core den auto di luho cu proyectonan fantasma y lo mantene esey nan y bente riba pueblo. Mester mustra e buena fe. E buena fe ta cu ta hala faha. Autonan di luho, proyectonan cu ta practicamente fantasma of hendenan cu ta pensa riba proyectonan, tin cu mara faha un caminda. E momento ey ta bay cu e consenshi limpi na pueblo pa bisa cu ainda no ta yega na unda cu mester yega. E ora por wak con ta yuda otro. Antes semper e prijs tabata subi baha. Cada luna e tempo aya tabata por a mira esaki riba papel. Awor tin e problema cu no a hedge. Esaki ta devastador, segun Henriquez. Tempo cu mester a hedge a hedge. Poco tempo pasa e tabata na 40 dollar. E momento ey mester a dal un hedge grandi.

Presion a bin riba WEB cu no tabata mag. Pero e consecuencia lo a bin y e tey. Eynan ta hinca awor aki. Decisionnan cu mester a wordo tuma, no a wordo tuma.

Bayendo riba hedge, tur biaha ta pleita riba dje. Si kier libra, pasa esaki, investiga esaki pa por sigui bay dilanti. No por keda tira cu lodo patras. Ban caba cu e cos, segun Henriquez. Si algo a bay robes, haci un investigacion, caba cun’e pa por sigui bay padilanti.

No por keda preocupa riba cosnan di cinco, dies aña pasa. Pero tin cu bay wak kico a bay robes, si el a bay robes si of no. Awor aki ta djis specula y cu esey no ta yuda cu net nada.

Comunicacion cu gerencia

Sindicato SIWA tin basta tempo cu e comunicacion no ta bon cu gerencia. Tin un reunion mensual, cu Henriquez ta yama un perdemento di tempo. Ta ridiculo loke ta pasa eyden. Gerencia no ta duna ningun informacion. Ta discuti coy kens. Y e situacion cu a caba di pasa, ta cos cu mester tin sindicato brasa, pero nada. Ora cu e informacion a sali den prensa, ta Henriquez a bay dilanti y puntra si ta berdad.

Nada di contenido

Henriquez ta pura pa haya sa kico a pasa. Ora cu bay den un reunion, nan ta haya sorpresa cu nan no mester sa kico ta pasando. Pero ora cu gerencia ta den preta e ora nan kier bay cerca e miembronan. E ora tin un problema. Nan no ta compronde dicon tin cu splica e cosnan aki. Cosnan ta birando dificil. SIWA lo bay trece e cosnan aki dilanti y laga e miembronan papia. No ta bay tene patras mas. Nan ta bin trece e miembronan den wega y laga nan papia.

Pueblo

Henriquez lo pidi pueblo keda trankilo. SIWA ta na banda di pueblo. Mara faha prome den WEB, despues tin cu bay wak. Pueblo mester ta e ultimo cu ta haya e cos aki. No tin discusion, Henriquez a expresa por ultimo.

 

- Advertisement -

DUNA COMENTARIO

Please enter your comment!
Please enter your name here