Home Comentario Presonan na Belgica ta genera placa cu trabaonan den prison

Presonan na Belgica ta genera placa cu trabaonan den prison

32
0
SHARE
- Advertisement -

Na Aruba no sa tende nada di paden di KIA

ORANJESTAD (AAN): Ora lesa di prisonnan di afo, principalmente esnan moderno na Europa, e gana ta pa compara nan cu Aruba a pesar cu e diferencianan ta hopi grandi. E siman aki tabata tin noticia di trabaonan cu presonan ta haci den prison pa clientenan di pafo y tambe cu tin presonan cu for di nan cel cu nan computer ta traha pa call centernan y cobra bon placa.

Aki naAruba masha poco sa tende di kico presonan ta haci den KIA pa por logra un cachi cachi pa cumpra articulo. Por corda ainda con tempo di Huis van Bewaring na Dakota tabata tin labamento di auto, furamento di mubles, trahamento di potch, y bendemento di pochi cu tiles decorativo rond di nan. Bendemento di  articulonan di hero pa trail di proteccion di veranda of pa porta di cura of garashi, carpinteria, drechamento di muebles,  etc. Tur esaki a caba hopi aña pasa y awe no sa mes kico lo tin of no na KIA.

E publicaci di e prison na Belgica ta menciona cu na Beveren tin prison exitoso pa presonan cu nan callcenternan .Den nan cel via computer nan por hasi e trabao. Ademas lo busca otro companianan y clientenan pa expande otro aña.

Tin un prison caminda ta trahando uniform. Un compania cu tabata traha uniforme a bati bancarota y awor presonan a haya tarea  aserca pa cose uniform. E detenidonan mester yuda pa entrega 30 mil uniform pa guardianan y  ademas 35 mil carson pa guardianan.

Segun informe lo tin 5000  carson cla caba y e resto lo ta cla y entrega e aña aki ainda.

Mas di diez mil carson pa guardianan ta wordo traha den prisonnan di Oudenaarden y Bergen, segun e informe suministra. Prisonnan na Belgica ta dispone di masha hopi machine di cose, cu cual ta traha slopi cusinchi, camisa, parasol, sweaters. Tambe ta asina e preso ta haya yudanza di un compania specializa.

A busca informe pa haya sa si na KIA tambe detenidonan tin cos pa hasi of e director tin werkplaats cual ta wordo usa pa detenidonan por hasi trabaonan cu ta drenta. Pero manera ta conoci cantidad di director tabatin y cu a bay. Keto bay ta esun interino ta tene e prison su cabez riba awa.

Manera ta conoci ta busca pa sea pa drecha KIA  of busca lugar pa construi un prison nobo . Aparentemente no tin e fondonan ainda pa ni reparacion, ni  pa construccion di un KIA nobo, kizas hasta “All Inclusive”.

- Advertisement -

DUNA COMENTARIO

Please enter your comment!
Please enter your name here