Home Comercio Prijs di huur di edificionan na Caya Grandi ta astronomico y kizas...

Prijs di huur di edificionan na Caya Grandi ta astronomico y kizas mester bin cu ley mescos cu Curacao

113
0
SHARE
- Advertisement -

ORANJESTAD (AAN): E organizacion MAMBO tin plannan serio pa asina haci Caya Grandi bira atractivo atrobe.

Hecho ta cu den Caya Grandi, tin hopi comerciante Asiatico y tambe di India, cu tin propiedad- y edificionan bunita cu ta para y ta bayendo perdi.  Cualkier comerciante cu kier huur lugar y ora di check e prijs, bo ta haya shock pasobra nan ta sky high.

Marjorie Vermeer-Luidens, di MAMBO a mustra cu contrario na Aruba, riba e isla di Curacao tin e asina yama “Downtown Management”, unda cu si acaso pa tanto tempo abo como comerciante no haci nada cu un edificio, e ora bo ta cuminsa paga belasting riba dje.

Na Curacao, ora nan a bin cu e ley ey, diripiente tur edificio a haya huur. Kisas no ta huur e pa 10 mil, pero pa menos di esey, dos pa tres mil, y asina diripiente negoshinan ta habri bek.  Hendenan ta bin bek caya, y el a haya bida atrobe.

E momento cu e tin bida, na momento cu cos drecha, e huur ta subi. Pero comerciante no tin e luho di sinta un banda y wak.

Gobierno a haci hopi, ta toca gobierno pa caba cu e trabao. MAMBO ta boga pa trece e soundsystem (cu a wordo full paga caba) y cu ta pega na Miami. Ta pasobra cu ta e otro gobierno a bin cun’e, niun hende no sa di nada.

E infrateam ora cu a cuminsa, tabata tin hopi pleito interno. Motibo ta door cu nan ta cuminsa drecha dilanti bo tienda, sin cu e doño ta worde avisa. Tabata tin masha mal comunicacion. Awo cu gobierno a cambia, e kita e Infrateam, y Señora Vermeer- Luidens ta puntra unda cu e cambio di trafico cu mester a bin, cu ta haci e fluho hopi mas miho.

Pero ta tuma contacto cu Raffy Kock di e Infrateam cu ta bisa cu tur e plannan a keda atras, nan ta na DOW. Aki tambe ta dal den un muraya.

Unda nos ta bay, Señora Vermeer- Luidens ta puntra. Mester bolbe reinventa e wiel. Aruba su problema mas grandi ta politikeria. No ta importa ki color bo tin, bo tin un salario y bo ta traha. Como ambtenaar bo mester haci bo trabao. Pero Aruba ta asina, cu e ambtenaar no sa kico e mag di bisa.

Pa loke ta e edificionan bashi, MAMBO su idea prome cu e worde instala, nan ta bin cu’n “to-do-list”.

E prome ta pa nan haci un resumen di cuanto edificio ta bashi, tin edificionan cu por pone arte den nan. Tambe nan kier cu tur e luganan, pa pone un cafe pa por tin un maneho ariba nan. Maneho ta pa e informacion ta disponibel. Un comerciante ta pone su placa unda su boca ta. Nan no mester di incentiva. Incentiva ta ora cu gobierno a drecha caya.

Tur e foutnan, laganan atras. No sigui yora, warda pa otro haci. Nan mes por haci’e. Traha hunto. Pero nan mester duna Mambo e mandato pa nan por actua. Nan por haya tur e informacion di KvK, pa trece entertainment. Tur ta come di e mesun bolo. Entertainment, security, ta haya maneho di caya y comerciantenan mes ta mantene caya limpi.

Un Mambo, si tin e mandato, nan lo zorg pa security, si nan paga un security e ta hopi mas barato. Tin e problema di adictonan ambulante. Pero no tin un maneho di adiccion na Aruba como debe ser, segun Señora Marjorie Vermeer- Luidens, di MAMBO.

 

- Advertisement -

DUNA COMENTARIO

Please enter your comment!
Please enter your name here