Home Salud Pro Colombia ta bolbe presenta Aruba kico Medellin por ofrece nos riba...

Pro Colombia ta bolbe presenta Aruba kico Medellin por ofrece nos riba servicio di salud

32
0
SHARE
- Advertisement -

ORANJESTAD (AAN) – Diahuebs atardi, na Renaissance Convention Center, durante un conferencia di prensa un delegacion di Pro Colombia tabata presente.

Srta. Alejandra Forero a splica cu Pro Colombia, conhuntamente cu Avianca a tene e conferencia di prensa aki, pa presenta kico ta e cuido di salud na Colombia, den e caso aki na Medellin, y kico ta e importancia pa haci uso di diferente sorto di posibilidad di salud medico, cu personanan di Aruba por bay aya y conoce nan servicio.

Tabata presente Institutonan medico manera Hospital Las Americas, Hospital Internacional di Colombia FCV, Clinica Imbanaco, Fundacion Santa Fe, Inser y Salud sin Fronteras.

Durante e conferencia di prensa aki e institutonan a mustra kico ta nan interes, kico nan specialidad, y con nan por brinda cuido na nos comunidad.

Srta. Forero a menciona cu Colombia ta un pais cu ta promove turismo medico y ademas nan ta considera como top calidad pa loke ta servicio medico, y e interes di e institutonan medico ta demostra y mustra e importancia pa un persona busca un di dos opinion y pa cuida di su salud y tur esaki e docternan presente kier a promove.

Docter Guillermo Bonilla di Fundacion Santa Fe, a duna un relato cortico riba e servicionan cu e Fundacion Santa Fe ta brinda.

El a cuminza bisando cu Colombia ta un aliado natural pa paisnan manera Aruba, den temanan di oferta di salud di complehidad halto. Colombia durante hopi aña a bin ta ocupando e lugar di lider riba tereno di salud y awor ta cerando e brecha den tecnologia y conocemento di e paisnan di prome mundo, y ta brindando servicionan di excelencia na nivel di complehidad halto.

Fundacion Santa Fe tin casi cincuenta aña den e mercado di salud na Colombia, siendo un propuesta permanence den excelencia di salud, prestando e mihor servicio sin importa cuanto tempo y esfuerzo por tuma nan.

Na e momentonan aki tin tres servicio cu e Fundacion ta dunando di un calidad competitivo internacional cu ta e servicio di reemplazonan articular, servicio di neurocirugia, servicio di Oncologia, y di cuater cu ta e servicio di cirugia robotico cu ta inclui cirugia abdominal, di prostate y bariatico.

 

- Advertisement -

DUNA COMENTARIO

Please enter your comment!
Please enter your name here