Programa “Santa Rosa” ta cla pa  su prome edicion na Telearuba

    57
    0
    SHARE
    - Advertisement -

    ORANJESTAD(AAN)— Pa varios aña caba e peticion pa continua cu un programa manera tabata produci  cu tabata “Santa Rosa ta Informa” semper a keda bin dilanti. Hopi ta esnan cu tabata admira e produccion aki.

    E motibo principal ta cu e tabata un programa hopi varia cu hopi informacion y e mas importante e parti educacion. Hopi ta esnan cu tabata sinta dilanti Television specialmente pa mira e programa aki.

    Den e programa a wordo presenta mayoria di nos agricultor y productornan. Sea cu tin un plantacion di Pinda, Maishi Rabo, Esnan cu ta Cria Bestia y asina por sigui menciona. Semper e interes pa un programa di e magnitude aki a keda grandi.

    Recientemente Departamento di Agricultura, Cria y Pesca Santa Rosa pa medio di su minister sr. Chris Romero a sinta cu Telearuba NV pa mira si tin espacio pa bolbe cuminsa cu un programa manera tabata wordo presenta manera a menciona caba.

    Esaki sigur tabata na interes di parti di Telearuba pa motibo cu falta produccion nan local y mas ainda pa trece e parti di Agricultura, Cria y Pesca un biaha mas dilanti y mustra e importancia di nos Sector Primario.

    E parti conscientisacion y educacion ta keda hopi esencial pa nos hoben nan di awe cu Santa Rosa kier motiva tambe pa mira tipo di programa nan asina. Kizas por lanta un tipo di interes cu nos hobennan tambe por cuminsa pensa den tipo di produccion di sea fruta of  berdura pa propio consumo. Ban cuminsa prome eynan den escalanan chikito. Esaki ta algun idea cu por cuminsa pensa.

    Despues di a hasi varios filmacion y pone tur programa riba un liña  ta cla pa presente na Aruba completo e prome edicion.

    Departamento di Agricultura, Cria y Pesca Santa Rosa hunto TeleAruba ta hasi un invitacion cordial na henter pueblo di Aruba pa sintonisa e programa “Santa Rosa” awe pa 7.30 di anochi .

    Den e prome edicion aki a hasi un bishita na “Cunuco Fresh” di  sr. Rudolf Arends kende ta produciendo 5 diferente tipo di lechuga den un sistema moderno di Hydroponic. Un programa hopi interesante pa mira. Tuma bon nota di kico tur por wordo planta na Aruba mes pa medio di e programa aki. E programa lo ta 2 biaha pa luna cual ta wordo ripiti riba e siguiente diahuebs.

     

    - Advertisement -

    DUNA COMENTARIO

    Please enter your comment!
    Please enter your name here