Home Impuesto Prome cu bo viahe, corda registra bo articulonan personal pa no haya...

Prome cu bo viahe, corda registra bo articulonan personal pa no haya cobranza di impuesto riba nan

17
0
SHARE
- Advertisement -

Siomara Schwengle-Maduro di Departamento di Aduana

ORANJESTAD (AAN): DIARIO a entrevista Siomara Schwengle-Maduro, verificateur 1st klasse/controller di Departamento di Aduana a bisa cu Departamento di Aduana den ultimo temponan ta hopi den publicidad, pero nan trabao ta pa salvaguardia e interesnan di pais Aruba na e frontera, y nan trabao primordial ta consisti di tarea fiscal, pero tambe no-fiscal.

E parti fiscal, manera ta conoci, ta cobra impuesto riba productonan ora nan ta wordo importa, y parti no-fiscal ta controlnan riba productonan, cierto permiso di transporte, y na aeropuerto nan ta atende cu pasaheronan, kiermen tur loke ta yega na aeropuerto, den principio, productonan cu ta bin cu e pasahero den e maleta, cosnan di uso personal di e pasahero. Schwengle-Maduro a indica cu den ultimo temponan, Douane a constata cu hendenan ta treciendo otro cosnan cu no ta producto di uso personal den nan maletanan.

Pa loke ta trata productonan cu ta contene cannabis, no ta importa cantidad di e producto, pero loke tin aden, y den e caso aki, e ta wordo considera un producto cu ta contene algo ilicito y ta prohibi pa drenta Aruba.  Tin caso na unda e paki di e producto a indica cu ta contene cannabis, pero ora nan a haci test, esaki no tabata e caso. Den tipo di situacion aki, Douane ta manda e producto na Departamento di geneesmiddel, cu mester duna un permiso pa esaki por drenta.

Schwengle-Maduro a elabora cu ora un persona ta bin Aruba for di exterior, nan tin derecho di trece articulonan liber di impuesto te na un balor di 400 florin. Esaki ta conta pa viaheronan cu tin riba 16 aña di edad, segun ley. Mester corda cu nan lo cobra impuesto riba productonan nobo. Prome cu bo viaha, corda registra bo articulonan personal pa no haya cobranza riba nan.

Tin un confusion den comunidad pa loke ta trata drenta cu productonan, un viahero por haci un declaracion verbal, riba productonan cu ta wordo treci pa su uso personal. Na momento cu nan ripara cu esaki no ta pa uso personal, pero ta tuma un contexto comercial, no por papia riba un declaracion verbal mas, pero di un declaracion riba papel.

Douane ta haci nan best, pero mirando e cantidad grandi di pasahero cu ta yega, cu apenas 3 balie y pa nan enfrenta e fluho di pasahero y esaki no keda pega, nan ta haya nan mes den situacion cu no ta tur momento nan por controla e vuelonan completamente y den casonan aki, nan ta profila y random nan ta pick up un persona pa controla.

Schwengle-Maduro a enfatiza cu ta apenas 3 balie y dos scanner nan tin y cu crecemento di cantidad di pasahero esaki no ta suficiente.

- Advertisement -

DUNA COMENTARIO

Please enter your comment!
Please enter your name here