Home Enseñanza Prome dia di scol ta acercando y studiantenan tin di cuminza prepara

Prome dia di scol ta acercando y studiantenan tin di cuminza prepara

45
0
SHARE
- Advertisement -

ORANJESTAD (AAN): Tur aña escolar, e studiantenan di Aruba ta cuminsa cu yen di animo. Nan tin tur cos nechi poni pa scol. Pero despues di algun siman of luna cos no ta bay dje bon ey mas. Esey ta e momento cu bo ta enfrenta e realidad di loke ta, e concepto pa bo “tin continuidad den bo estudio”.

E prome simannan, e studiante ta cuminsa balentemente cu su anotacionnan y e ta bay les tur dia. Esey sigur ta bay un tempo bon, te ora e cuminsa na ‘lubida’ di haci loke e mester haci.

Fisicamente e ta sigui bay school, pero e pensamentonan ta otro caminda. Despues di un paar di siman cu el a perde soño door di e fiestanan tur rond di Aruba Party Island, e ta perde e paso di lesnan.

E studiante ya no por sigui e instruccion di e docente dilanti klas, pasobra e ta bay demasiado rapido cu les.  Su storianan dia pa dia na e alumno su parecer ta bira mas y mas dificil pa sigui. Diripiente ta aparece e monster cu ta yama ‘proefwerk’. E studiante ta check e materia di les, pero ya e ta asina hopi atras cu ya e no sa kico pa haci.

Tur esaki ta bini door di falta di planificacion den estudio.

Ta abo como studiante mes tin di sa con leu bo ta cu les continuamente. E ta ainda riba schedule? Cuanto e tin cu haci ainda? E por haal-in tur proefwerknan ainda?

Bon conseho pa studiantenan ta pa bo cuminza skirbi y anota, ta cuanto ora bo ta studiando, y tene den bo cabes con hopi bo a progresa caba. Solamente e ora ey bo ta trahando segun schedule, rooster, schema.

Ban supone cu segun abo bo a haci hopi y toch bo a haal apenas mitar di tur bo proefwerknan. E ora lo bo bay traha djis un tiki mas duro pa bo haal mas proefwerk. Pero lamentablemente e sistema aki no ta recomendabel. Cu un schedule banda di’bo, den cual bo tin marca cuanto bo a studia y cuanto realmente bo mester a studia, lo duna’bo mas agare riba bo estudio. Asina bo por duna mas feedback na tempo.

Pues den e caso aki bo mes ta wak con bo ta manehando bo studio y eventualmente trece cambio(nan) den bo schedule pa asina bo keda na tempo cu esaki.

Kico bo por haci? Bo por traha henter un plan basa riba entre otro studia regularmente, cuminsa tur dia na e mesun ora, come bon, baha man un tiki na Videogames of Social Media, etc.

Di e forma aki, bo por cuminsa e aña escolar nobo cu e hermentnan necesario pa realisa bo soñonan.

 

- Advertisement -

DUNA COMENTARIO

Please enter your comment!
Please enter your name here