Home Gobierno Prome Minister cu mensahe pa cuminzamento aña escolar y pa Cuerpo Policial...

Prome Minister cu mensahe pa cuminzamento aña escolar y pa Cuerpo Policial den su Dia

8
0
SHARE
- Advertisement -

ORANJESTAD (AAN) – Den conferencia di prensa di gobierno Diahuebs, Minister Presidente Evelyn Wever-Croes a hiba palabra y expresa palabranan di exito pa e apertura di Aña Escolar nobo, y tambe palabranan di felicitacion pa Cuerpo Policial cu a celebra ayera mes Dia di Polis.

Cuminzamento aña escolar: “Mi ta desea tur studiante y docentenan hopi exito den e aña escolar nobo aki. Cada comienzo ta trece cune oportunidadnan nobo y ohala cada un lo sa di haci su maximo pa haci esaki un aña exitoso. Docentenan cu a traha cu alma y curpa tambe durante vacacion, nos ta wak con den nan tempo liber, di nan propio cartera, a prepara e klasnan y esey ta algo hopi bunita y nos ta spera cu e studiantenan lo sa di aprecia.

Pa mayornan tambe esaki ta un periodo nobo cu stress atrobe, pura mainta, cu trafico pega, pero ban corda di pone atencion na e muchanan pa asina nan por tin un aña exitoso” e dignatario a expresa.

DIA DI POLIS: “Awe tambe ta e dia cu Cuerpo Policial ta para keto y celebra ‘E Dia di Polis’ manera nos ta conoce. Un agente policial ta un persona den un comunidad, sumamente importante, indispensable y e agente policial dia aden, dia afo, ta pone su propio bida na peligro pa tene e seguridad di otro persona halto. Nos ta yama pabien na Cuerpo Policial y nos compromiso como gobierno ta sostene KPA den e trabao dificil aki”, Prome Minister a señala.

- Advertisement -

DUNA COMENTARIO

Please enter your comment!
Please enter your name here