Home Gobierno Promer Minister ta pura pa investigacion riba director di Elmar keda cla

Promer Minister ta pura pa investigacion riba director di Elmar keda cla

85
0
SHARE
- Advertisement -

ORANJESTAD  (AAN): Prome minister Evelyn Wever-Croes, durante di conferencia di prensa di gobierno, a splica cu el a wordo informa pa e hunta di comisario di Elmar, cu nan a suspende e director algun siman pasa pa 30 dia, pa por haci investigacion. Tin di compronde cu ta a base di denuncianan cu a tuma luga. Nan kier a haci investigacion y den cierto caso, lo tin cu suspende e persona si bo ta investig’e.

Peticion na nan tabata, mirando cu e no tabata na altura di detaye, a pidi pa haci esaki hopi lihe y pa aplica tur regla cu tin cu aplica durante di  un investigacion asina, pa no perhudica ningun hende inecesariamente. Un investigacion no ta nifica cu un hende ta culpabel ainda. No por bay over na culpa un hende, pa nan tin e cautela na esey.

E mandatario a splica cu e no sa ki dia e 30 dianan ey lo pasa, pero e lo tende e ora di esey.

Carta di WEB

E carta cu WEB a manda Utilities, e no a ni weit’e ainda. E no a ni hay’e. El a papia si cu Utilities despues di e hecho cu e conmocion di e lekmento di e carta a causa y nan a comenta cu no tin motibo ainda pa escala te na gobierno.

E prome minister a purba di splica e tema aki ultimo biaha durante di un conferencia di prensa den e tema aki tin diferente nivel cu bo ta atende bo asuntonan, den e caso aki den un problema.

WEB internamente, nan ta atende tur nan asuntonan nan mes. Pesey tin un director, pesey tin un directiva, y paga hende pa haci e trabao. Ora cu ta un problema cu nan no por soluciona, nan ta escala pa e siguiente nivel. Siguiente nivel ta e hunta di comisario di WEB. Si hunto cu nan no por sali afo, ta escala pa e siguiente nivel, cual ta Utilities. Si nan no por sali afo for di Utilites, e ora ta bati porta di gobierno. Asina leu e no a yega ainda, segun Wever-Croes. Nan ta haciendo e ehercicionan necesario pa por mira ki otro alternativa tin.

 

- Advertisement -

DUNA COMENTARIO

Please enter your comment!
Please enter your name here