Home Gobierno Pronto lo anuncia proyecto di hotel pa San Nicolas y dos pa...

Pronto lo anuncia proyecto di hotel pa San Nicolas y dos pa Oranjestad

194
0
SHARE
- Advertisement -

Ministernan di Infrastructura y Turismo trahando hunto:

ORANJESTAD (AAN) – Minister di Infrastructura, Medio Ambiente y Desaroyo Teritorial, sr. Otmar Oduber a declara den conferencia di prensa di gobierno, Diahuebs, cu e ta bezig a base combersacionnan hopi estrecho cu su colega sr. Dangui Oduber, titular di Turismo, cu algun proyecto pa San Nicolas y Playa.

E dignatario a declara cu e ta contento cu e filosofia cu Minister Dangui Oduber ta carga encuanto calidad di turismo ta e mesun cu el a carga durante e siete añanan cu e mes a ocupa e cartera di Turismo. Esaki ta haci mas facil e relacion entre ambos, y cada un decision cu wordo tuma awo y pa futuro ta conhuntamente.

Esaki contrario na e forma unilateral di e minister anterior, ken sin consulta cu minister di turismo, tabata duna tur tipo di permiso.

Awor e y minister di turismo ta den contacto constante, y proximamente tin dos proyecto den e negociacionnan cu tin, unda el a haya espacio di su colega y lo anuncia dos proyecto di hotel: un na San Nicolas cu nan lo duna informacion ora cu esaki ta solido y otro proyecto cu ta consisti di dos hotel na Oranjestad.

E mandatario a cuestiona e tres proyectonan cu e gobierno anterior tabata tin y cu no a cumpli, y mester a retira cada un nan permiso ya cu ningun a bay door.

Awor nan a haya un grupo serio cu ta mustra interes y ta sosteni financieramente. E operador ta respalda e pensamento pa bin pariba di nos Isla cu un hotel all inclusive, di un nivel halto, manera a papia un tempo di Bahia Principe.

Ademas, tin dos proyecto di hotel pabao di nos Isla, cu tambe ta di esnan cu a reduci 680 camber all inclusive.

E mandatario a reitera cu e Ley All Inclusive cu tanto a bringa pe na aña 2016, awor por regula esaki y por fin por cuminza cobra tur otro acomodacion. Esaki a keda finaliza dia 1 di Juli ultimo cu ta haci posible awor cu ATA hunto cu otro departamentonan di gobierno, por bay tras di e 5% di e cambernan cu, na e momentonan aki, no ta contribui cu nan fear share, manera otro hotelnan. E ley aki, na cierto momento, a wordo boicotea door di e propio partido AVP door di no publica un ley cu a keda aproba, door di Parlamento di Aruba, cu mayoria absoluto na 2016.

E mandatario a reitera cu e lo haci anuncio hunto cu su colega na momento cu nan pone e firma, pero en todo caso a converti un proyecto cu tabata di 680 camber all inclusive den un propiedad di 4 strea di 240 camber no all inclusive. E permiso tabata otorga y nan tabata tin derecho riba dje pero e grupo a compronde y a bay di acuerdo cune, den bon comunicacion cu gobierno, sin cu mester a bay Corte.

E otro ta time share cu tambe a wordo converti den 200 camber di un hotel di 5 strea plus, cu lo wordo anuncia proximamente.

Esaki ta e relacion y vision cu tin di transforma Aruba y continua cu e pensamento cu tabata tin cu Aruba mester por crece den calidad di nos turismo compara cu cantidad cu otro islanan ta bringa pe cu proyectonan all inclusive.

 

- Advertisement -

DUNA COMENTARIO

Please enter your comment!
Please enter your name here