Home Gobierno Proyecto piloto “Na caminda pa trabao” lo yuda 30 mama soltero haya...

Proyecto piloto “Na caminda pa trabao” lo yuda 30 mama soltero haya trabao y prepara p’e

46
0
SHARE
- Advertisement -

Minister Glenbert Croes a anuncia:

ORANJESTAD (AAN) – Minister Glenbert Croes, titular di Asunto Social y Labor, a elabora den conferencia semanal di prensa, Dialuna, tocante e proyecto piloto “Na Caminda pa Trabao” cu hunto cu Departamento di Labor y DPL nan ta desaroyando.

E mandatario a cuminza cu un proyecto piloto unda a tuma 17 hoben y a guia nan den un proceso pa wak con ta yuda nan pasa di bijstand pa subi mercado laboral y mantene nan trabao.

E minister a splica cu di e 17 hobennan aki siete a cay afo, di e diesnan cu a keda siete a haya trabao via DPL y tres a haya trabao riba nan mes.

Minister Croes a subraya cu e ta contento cu e experiencia aki ta duna indicacion y bisa nan kico nan mester haci pa ta mas efectivo pa pone nos hobennan na trabao.

E siguiente trayecto ta pa mamanan soltero, cu ta otro proyecto piloto dentro di e concepto “riba caminda pa trabao”, den cual lo yuda 30 mama soltero cu minimo 2 yiu. Den e trayecto aki lo yuda nan prepara nan mes pa nan tambe por wordo dirigi na haya un trabao.

Ora un mama soltero ta bay traha e pregunta ta si e tin hende pa cuida su yiunan, si e tin e red social den famia, of e yiu ta bay crèche, pasobra esaki ta e obstaculo di mas grandi cu nan ta confronta. Ora cu e mayornan ta traha e problema cu tin ta cu yiunan ta keda nan so na cas, y esaki ta trece consecuencianan cune.

El a subraya cu e meta den DAS ta pa hende cu ta haya bijstand no keda den dje y e unico mihor forma pa yuda nan ta pa haya un bon trabao, y pa “meet e challenge” aki mester prepara e persona. Den e caso aki e mamanan soltero y den cooperacion cu Ministerio di Enseñanza, Enseñanza pa Empleo ta bay ta fundamental.

E dignatario a acentua cu e kier pa pueblo sa cu riba tereno social nan ta haciendo lo maximo riba tur area, cual no ta facil pero nan ta haciendo tur e testnan cu e seriedad necesario.

 

 

 

- Advertisement -

DUNA COMENTARIO

Please enter your comment!
Please enter your name here