Home Hudicial Psychiater di Curaçao ta haya cu mama di Rishandroh y Eugene no...

Psychiater di Curaçao ta haya cu mama di Rishandroh y Eugene no ta responsabel

4539
0
SHARE
— E dos acusadonan di e caso hororoso.
- Advertisement -

ORANJESTAD (AAN): Diabierna merdia a sigui cu tratamento di e caso penal contra e muher Risheila F. acusa di ta complice di e matamento di su dos yiunan Rishandroh y Eugene Anastacia. Manera ta conoci Hues no a dicta sentencia contra Risheila F. sino a bisa cu e kier a haya un di tres opinion despues di a haya e raport di psycologo y psychiater riba e estado mental di e muher.

A nombra un psychiater di Curacao pa e haci un evaluacion apart di e dos expertonan.

DIARIO por a compronde cu dialuna e raport di psychiater di Curacao a worde manda y tabatin posibilidad te cu diaranzon pa haci preguntanan. Ta asina cu Hues a haci un serie di preguntanan. Abogado tambe a haci preguntanan pero door cu el a manda esakinan laat, no a haya contesta. Fiscal di su banda no a haci ningun pregunta.

— Rishandroh y Eugene.

Den Corte Hues a bisa cu e ta interpreta e raport di psychiater cu Risheila F. no ta responsabel pa su actonan.

E punto di discusion ta, si Risheila F. por a scapa su yiunan di a worde mata.

DISCUSION FISCAL Y ABOGADO:

Fiscal a remarca cu e ta interpreta e decision di psychiater otro. Na opinion di Fiscal e si ta haya cu Risheila F. ta complice di matamento di e muchanan.

Abogado mr. van der Biezen a reacciona riba Fiscal mustrando cu mester respeta decision di un experto y e raport ta bisa bon cla cu Risheila F, mirando su estado mental e no por a actua pa scapa su yiunan.

Fiscal a keda mantene su exigencia di 4 aña di prison, mientras cu abogado mr. van der Biezen ta haya cu no por bay condena Risheila F. mirando cu e no ta responsabel pa su actonan.  Pa e padrastro Gabriel M., a exigi 15 aña.

Hues a bisa cu e ta bay studia e caso y riba Diabierna 14 di September 2018 tin sentencia.

- Advertisement -

DUNA COMENTARIO

Please enter your comment!
Please enter your name here